तेरा घमंड चार दिन का है पगले, हमारी बादशाही तो खानदानी है - राऊत

'तेरा घमंड चार दिन का है पगले, हमारी बादशाही तो खानदानी है' असं वक्कव्य करत शिवसेना खासदार राऊत यांनी विरोधी पक्षनेते देवेंद्र फडणवीस यांना टोला लगावला आहे. देवेंद्र फडणवीस कटकारस्थान करून राज्य चालवता येत नाही, असा हल्लाबोलही त्यांनी केला आहे. आज शिवसेनेचा 56 वा वर्धापन दिन साजरा होत आहे. यानिमित्ताने या सोहळ्यात बोलत असताना त्यांनी केंद्रावर आणि राज्यातील भाजपावर निशाणा साधला आहे. (sanjay raut says in shiv sena 56th anniversary)

ते म्हणाले, हिंदुहृदय सम्राट बाळासाहेब ठाकरे हे हिंदुत्वाचे बाप होते. आजचा दिवस पवित्र आहे. शिवसेनेची स्थापना ही एका अग्नीतून झाली आहे. त्यामुळे हिंदुत्वावर शिवसेनेला कुणाचेही मार्गदर्शन नको आहे. बाळासाहेब ठाकरे यांनी शिवसेना नावाची ठिणगी पेटवली मुंबईतील या ठिणगीचा देशभर वनवा झाला. त्यामुळे हिंदुत्वाचे धडे सेनेला शिकवण्याची गरज नाही. अब तक 56 पुढेही सुरूच राहणार आहे. विरोधकांना घमेंड आली आहे. राज्याची सूत्र उद्धव ठाकरेंकडे राहणार असल्याचे त्यांनी स्पष्ट केलं आहे.

पुढे ते म्हणाले, कटकारस्थान करून राज्य चालवता येत नाही. अग्निपथ योजना हा केंद्र सरकारचा मुर्खपणा आहे. कोणत्याही केंद्रीय संस्थाना आम्ही घाबरत नाही. सीबीआय, ईडी यांची भिती दाखवू नका. अंगावर आलात तर शिंगावर घेतले जाणार नाही तर तुडवले जाल असा घणाघातही राऊतांनी केला आहे. अयोध्येतील मंत्री आदित्य ठाकरे यांचं स्वागत हे बाळासाहेब ठाकरे यांच्या हिंदुत्वाच्या विचारांचे होते. शिवसेना भक्कम पायावर उभी आहे. त्यामुळे घाबरण्याचे कारण नाही, असा विश्वासही त्यांनी यावेळी व्यक्त केला.