सोनिया गांधींच्या प्रश्नावर राजीव सातव म्हणाले, शरद पवार

या ठिकाणचे सातव यांचे भाचे प्रताप वाघ हे पुण्याला नोकरीनिमित्त स्थायिक आहेत. त्यांच्याकडे त्यांचे येणेजाणे असत.
Rajiv Satav
Rajiv Satavsystem

मसूर (जि. सातारा) : काँग्रेसचे खासदार राजीव सातव (rajeev satav) यांच्या निधनाची बातमी गावात धडकताच ग्रामस्थांकडून मोठी हळहळ व्यक्त करण्यात आली. इथल्या ब्रह्मपुरी भागात सातव यांचे आजोळ आहे. लहानपणी त्यांचे येणे जाणे या ठिकाणी होत होते. मात्र अलीकडे त्यांच्या राजकीय (politics) क्षेत्रातल्या व्यापामुळे त्यांना या ठिकाणी यायला जमत नसले तरी आपल्या आजोळचा ॠणानुबंध जपला होता. या ठिकाणचे सातव यांचे भाचे प्रताप वाघ हे पुण्याला नोकरीनिमित्त स्थायिक आहेत. त्यांच्याकडे त्यांचे येणेजाणे असत. मात्र आजोळातली विचारपूसही ते आवर्जून करीत. सातव यांच्या निधनाचे वृत्त कळताच ब्रह्मपुरी भागात त्यांना श्रद्धांजली वाहण्यात आली. (sharad pawar favourite leaders says rajiv satav sonia gandhi satara marathi news)

Rajiv Satav
युवकांच्या हदयातील नेता आम्ही गमावला; पृथ्वीराज चव्हाण भावुक

यावेळी किवळच्या माई चॅरिटेबल ट्रस्टच्या अध्यक्षा संगीता साळुंखे यांनी राजीव सातव यांच्या संदर्भातली एक आठवण सांगितली. त्या म्हणाल्या राजीवजी नेहमी महाराष्ट्रातील युवकांना प्राेत्साहन देत असतं. माझ्या वाचनातील आणि एेकण्यातील एक गाेष्ट तुम्हांला सांगते, ज्यावेळी युवक काँग्रेसच्या अध्यक्षपदासाठी सोनिया गांधी (congress leader sonia gandhi) मुलाखत घेत होत्या. राजीव सातव त्यांच्या समोर बसले होते. मुलाखतीत राजीव सातव यांना सोनियाजींनी प्रश्न विचारला "तुमचा आवडता नेता कोण?" राजीवजींनी उत्तर दिले "शरद पवार".

Rajiv Satav
जीव गेल्यास गप्प बसणार नाही; राष्ट्रवादीच्या नेत्याचा इशारा

मुलाखत झाली, राजीव सातवांना वाटले हे उत्तर दिल्यामुळे कदाचित आपली निवड होणार नाही. सोनिया गांधींनी राजीव सातव यांच्यातला प्रामाणिकपणा ओळखला होता. पुढच्या काही दिवसातच राजीवजी महाराष्ट्र युवक काँग्रेसचे अध्यक्ष झाले. तिथून सुरू झालेला झंझावात आज दुर्दैवाने संपला.

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Related Stories

No stories found.
Esakal Marathi News
www.esakal.com