Shivsena : चर्चा तर होणारच! सेनेचा दसरा मेळावा अडचणीत; हे पर्याय अवलंबणार?

Shivaji Parak Melava Controversy : आगामी दसरा मेळाव्यावरून शिंदे गट आणि शिवसेनेमध्ये वाद सुरू असून, शिवाजी पार्क मौदानावर दसरा मेळाव्याला बीएमसीने दोन्ही गटांना परवानगी नाकारली आहे. तर, दुसरीकडे शिंदे गटाने मेळाव्यासाठी बीकेसी मैदान बुक केलं आहे. तर, दुसरीकडे शिवाजी पार्कसाठी दोन्ही गटांकडून हायकोर्टात याचिका दाखल करण्यात आल्या आहेत. या सर्व घडामोडींमध्ये यंदाच्या वर्षी शिवसेनेची दसरा मेळाव्याची परंपरा खंडित होणार का? असा प्रश्न उपस्थित झाला आहे.

दरम्यान, मुंबई महापालिकेने शिवाजी पार्कवर शिवसेनेला परवानगी न दिल्याने आणि शिंदे गटाकडून बीकेसी आधीच बुक झाल्याने दसरा मेळावा घ्यायाचा तरी कुठे असा पेच निर्माण झाला आहे. जर, हायकोर्टानेदेखील शिवसेनेची शिवाजी पार्कवर मेळावा घेण्यास परवानगी नाकारल्यास शिवसेना या चारपर्यायांपैकी एकाची निवड करू शकते असे सांगितले जात आहे.

चार पर्याय कोणते?

हायकोर्टाने जर शिवसेनेला परवानगी नाकारली तर, आगामी दसरा मेळावा शिवसेना ऑनलाईन मेळावा घेण्याची शक्यता वर्तवली जात आहे. याशिवाय ठाकरेंसमोर गोरेगावच्या नेस्को संकुलाचा एक पर्याय आहे. तसेच तिसरा पर्याय म्हणजे महालक्ष्मी येथील रेसकोर्स मैदान एक पर्याय आहे. तर चौथा पर्याय आझाद मैदान हा पर्यायदेखील असल्याचे सांगितले जात आहे. मात्र, हे सर्व पर्याय कोर्टाचा निर्णय काय येतो यानंतर शिवसेना अवलंबू शकते असे सांगितले जात आहे.