आम्हाला कोणी शहाणपणा शिकवू नये; राऊतांचा फडणवीसांना टोला

Sanjay Raut
Sanjay Raut

मुंबई : माजी मुख्यमंत्री देवेंद्र फडणवीस यांनी केलेल्या ट्विटवरून शिवसेना खासदार संजय राऊत यांना विचारले असता त्यांनी आम्हाला कोणी शहाणपणा शिकवू नये, असा टोला हाणला आहे.

शिवसेनाप्रमुख बाळासाहेब ठाकरे यांचा आज (रविवारी) स्मृतिदिन असून, शिवाजी पार्क येथील कार्यक्रमात संजय राऊत त्यांना अभिवादन करण्यासाठी आले होते. राज्यात शिवसेना, काँग्रेस आणि राष्ट्रवादी काँग्रेस लवकरच सरकार स्थापन करणार आहे. अशात आज शिवसेनेव्यतिरिक्त राष्ट्रवादी आणि काँग्रेसचे अनेक मोठे नेते हे शिवाजी पार्कवर बाळासाहेब ठाकरे यांच्या स्मृतीस नमन करण्यास येण्याची शक्‍यता आहे. बाळासाहेबांना मानवंदना देण्यासाठी महाराष्ट्रासह देशभरातून लाखो शिवसैनिकांची गर्दी शिवतीर्थावर उसळली आहे.

संजय राऊत म्हणाले, की उद्धव ठाकरेंनी बाळासाहेबांना दिलेली शपथ पूर्ण होणार हे निश्चित आहे. महाराष्ट्राचा मुख्यमंत्री शिवसेनेचाच होणार हे स्पष्ट आहे. शिवसेनेला कोणी स्वाभिमान व शहाणपणा शिकवू नये. आम्ही बाळासाहेबांचे शिवसैनिक आहोत. स्वाभिमान, हिंदुत्व या सगळ्यांना योग्यवेळी उत्तरे मिळतील.  

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Related Stories

No stories found.
Esakal Marathi News
www.esakal.com