पुन्हा गद्दारांना गाडून भगवा फडकवू, विनायक राऊतांनी जाहीर केला निर्धार

मुंबई : एकनाथ शिंदे यांनी केलेल्या बंडानंतर राज्यातील राजकीय वातावरण ढवळून निघाले आहे. महिला आघाडी पदाधीकारी युवा सेना नगरसवकांची बैठक घेण्यात आली, शिवसेनेशी काही स्वार्थी लोकांनी गद्दारी जरी केली तरी माहीम मतदार संघातील शिवसेना ही मजबूतीने काम करत असल्याचे विनायक राऊत यांनी सांगितले. (Shivsena vinayak raut commented on mahim mla maharashtra political crisis)

शिवसेनेचे नेते विनायक राऊत म्हणाले की, काही स्वार्थी लोकांनी पक्षाशी गद्दारी जरी केली असली तर माहीम मतदारसंघातील शिवसेना ही शंभर टक्के शाबूत आहे. एकनाथ शिंदेंंसोबत जात आमदारांनी केली अशी गद्दारी पुर्वी देखील या विभगात पचवली आहे, पुनश्च देखील गद्दारांना गाडून आपला भगवा फडकवू असा निर्धार बैठकीत केल्याचे विनायक राऊत यांनी सांगितले आहे.

आज माहीम विधानसभा मतदारसंघातील पदाधिकार्‍यांची बैठक झाल्यानंतर विनायक राऊत माध्यमांशी बोलत होते. यादरम्यान त्यांनी माहीममधील काही आमदारांनी गद्दारी केली असून त्यांच्या सोबत शिवसेनेचं कोणीही गेलं नाहीये. शिवसेना शाबूत आहे असे त्यांनी सांगितलं. संजय राऊतांच्या वक्तव्यावर विनायक राऊत यांनी प्रतिक्रिया देणे टाळलं.

माहीमचे शिवसेना आमदार सदा सर्वनकर हे एकनाथ शिंदे यांच्या सोबत गुवाहाटी येथे आहेत, मात्र त्यांच्या बंडामुळे शिवसेनेत काही फरक पडला नसून शिवसेना शाबूत आहे असे विनायक राऊत यांनी म्हटलं आहे. कोणी बाहेर पडलं असेल तरी त्यांच्यासोबत कोणी गेलं नाही