Shiv Sena Symbol Hearing : राऊत 40 मिनिटं थांबले अन् अचानक निघून गेले; सुनावणीदरम्यान झालं काय?

नवी दिल्लीः निवडणूक आयोगाने शिवसेनेचं पक्षचिन्ह आणि नाव गोठवल्यानंतर आज त्यासंदर्भात आयोगात सुनावणी सुरु आहे. दोन्ही बाजूंचा युक्तीवाद आयोगाकडून ऐकून घेतला जात असून काही वेळात यासंदर्भात निर्णय येणार आहे.

सुनावणीसाठी संजय राऊत केंद्रीय निवडणूक आयोगामध्ये पोहोचले होते. तब्बल ४० मिनिटं संजय राऊत आयोगात होते. त्यानंतर ते अचानक निघून गेलं. ४० मिनिटांमध्ये संजय राऊतांना निकालाचा अंदाज आला का? संजय राऊत बाहेर का पडले? असे प्रश्न यानिमित्ताने उपस्थित होत आहेत.

हेही वाचाः योग्य वेळेतच करा इच्छापत्र आणि व्हा चिंतामुक्त

बाहेर येत असलेल्या अपडेट्सनुसार एकनाथ शिंदे गटाचं पारड जड दिसत आहे. धनुष्यबाण चिन्ह मिळवण्यासाठी दोन्ही गटांकडून मागील अनेक दिवसांपासून पुरावे दिले जात आहेत. ट्रकच्या ट्रक भरुन पुरावे निवडणूक आयोगाला सादर करण्यात आलेले आहेत. त्यानंतर आज या प्रकरणी सुनावणी होत आहे.

शिंदे गटाचे वकील जेठमलानी यांनी राजकीय पक्ष म्हणून कायद्यातील तरतुदीनुसार शिंदे गट सरस ठरत असल्याचं म्हटलं आहे तर ठाकरे गटाचे वकील सिब्बल यांनी सुप्रीम कोर्टातील निकालानंतर आयोगाने निर्णय द्यावा, अशी भूमिका मांडली आहे. तरीही निवडणूक आयोग काय निर्णय घेणार हे काही वेळात समोर येईल.