मुंबई : विधिमंडळ अंदाज समितीने धुळे येथे लाच घेतल्याच्या प्रकरणाची चौकशी करण्यासाठी विधिमंडळाच्या चौकशी समितीसोबतच स्वतंत्र विशेष तपास दलही (एसआयटी) स्थापन करण्याचा निर्णय आज घेण्यात आला. या दोन्ही चौकशी समित्या स्वतंत्र असणार आहेत..विधिमंडळ अंदाज समिती दौऱ्यावर असताना लाच घेतल्याच्या संपूर्ण प्रकरणाचा तपास करण्यासाठी विधिमंडळाची चौकशी समिती गठित करण्याचे आदेश विधान परिषदेचे सभापती प्रा. राम शिंदे यांनी आज येथे दिले. या प्रकरणात विधिमंडळाचे संशयित कक्ष अधिकारी किशोर पाटील यांना निलंबित करण्यात आले असल्याचेही सभापती शिंदे यांच्या कार्यालयाकडून कळविण्यात आले आहे. तसेच या प्रकरणाची स्वतंत्र ‘एसआयटी’ नेमून चौकशी करण्यात येईल, असे मुख्यमंत्री देवेंद्र फडणवीस यांनी माध्यमांशी बोलताना स्पष्ट केले..फडणवीस म्हणाले, ‘‘धुळे प्रकरणाची एसआयटी नेमून कोण दोषी आहे, कोणी पैसे मागितलेले आहेत का, या सर्व गोष्टींचा छडा लावण्यात येईल. विधानसभेचे अध्यक्ष आणि विधान परिषदेतेचे सभापती या दोघांनाही मी विनंती करणार आहे की, त्यांनी देखील स्वतंत्रपद्धतीने समिती स्थापन करुन धुळे प्रकरणाची चौकशी करावी. कुठल्याही परिस्थितीत विधानमंडळाच्या समितीची पद्धती बदनाम होणे हे आपल्याला परवडणार नाही. म्हणून याप्रकरणात अतिशय गांभीर्याने कारवाई केली जाईल.’’.धुळ्याची घटना अतिशय गंभीर आहे. त्याची सत्यता अजून समजलेली नाही. पण, ही सत्यता बाहेर आलीच पाहिजे. विधानमंडळाच्या समितीवर प्रश्नचिन्ह उभे राहणे आम्ही सहन करू शकत नाही. विधानमंडळाची एक प्रतिष्ठा आहे. अशा परिस्थितीत ‘दूध का दूध पानी का पानी’ झालेच पाहिजे.देवेंद्र फडणवीस, मुख्यमंत्री.सकाळ+ चे सदस्य व्हा ब्रेक घ्या, डोकं चालवा, कोडे सोडवा!शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
