सोलापूर शहरात कोरोनाचा हल्ला कर्त्या व्यक्तींवरच 

सोलापूर : मुंबईतील धारावी सारखा भाग कोरोनामुक्त होतोय मग सोलापूर का होत नाही? असाच प्रश्‍न सर्वांना पडला आहे. कोरोनाचे संकट कधी दूर होणार? याचे ठोस उत्तर सध्या तरी कोणाकडे नाही. महापालिका हद्दीत कोरोनाग्रस्तांची अन्‌ मृतांची वाढणारी संख्या सर्वांचीच झोप उडवू लागली आहे. महापालिका हद्दीत जुलैच्या दुसऱ्या आठवड्यापर्यंतच्या तीन हजार 762 बाधितांचा अभ्यास करण्यात आला. 31 ते 50 या वयोगटातील सर्वाधिक एक हजार 226 बाधित आढळले आहेत. ज्या व्यक्ती उद्योग, व्यवसाय अथवा नोकरीच्या माध्यमातून घर चालवितात त्याच वयोगटातील व्यक्ती कोरोनाच्या रडारवर आल्या आहेत. सोलापूर महापालिका हद्दीतील एकूण बाधितांच्या तब्बल 32 टक्के बाधित 31 ते 50 वयोगटातील आहेत. घरातील कर्त्या व्यक्तीवरच कोरोनाचा हल्ला होऊ लागल्याने सध्याची वेळ काळजी करण्याची नाही तर काळजी घेण्याची आहे. 

बाधित होणाऱ्यांमध्ये दुसऱ्या क्रमांकावर 16 ते 30 हा वयोगट असून या वयोगटातील 21 टक्के लोक बाधित झाले आहेत. 16 ते 50 या वयोगटातील व्यक्ती कोरोनाबाधित असले तरीही कोरोनामुळे मृत पावण्याचा धोका हा इतर आजार असलेल्या व्यक्ती आणि 60 वर्षावरील व्यक्तींना सर्वाधिक आहे. जुलैच्या दुसऱ्या आठवड्यापर्यंत महापालिका हद्दीतील 326 व्यक्तींचा (209 पुरुष व 117 महिला) कोरोनामुळे मृत्यू झाला आहे. त्यापैकी 60 वर्षावरील 215 व्यक्तींचा म्हणजे 65 टक्के व्यक्तींचा मृत्यू झाला आहे. 51 ते 60 वयोगटातील 73 व्यक्तींचा म्हणजे 22 टक्के व्यक्तींचा कोरोनामुळे मृत्यू झाला आहे. 31 ते 50 वयोगटातील 33 व्यक्तींचा (10.12 टक्के) व 16 ते 30 वयोगटातील पाच व्यक्तींचा (1.53 टक्के) कोरोनामुळे मृत्यू झाला आहे. शुन्य ते 15 वयोगटातील 320 जण कोरोनाबाधित झाले होते. या वयोगटातील एकाही व्यक्तीचा मृत्यू झाला नाही ही देखील समाधानकारक बाब मानली जात आहे. 

सात दिवसांपेक्षा अधिक उपचार घेऊनही 92 जणांचा बळी 
जुलैच्या दुसऱ्या आठवड्यापर्यंत मृत पावलेल्या 326 व्यक्तींपैकी 92 जणांवर (28.22 टक्के) सात दिवसांपेक्षा अधिक कालावधीपासून रुग्णालयात उपचार सुरु होते. उपचार सुरु असतानाही त्यांचा मृत्यू झाला आहे. उपचारासाठी रुग्णालयात दाखल झाल्यावर चोवीस तासांच्या आत 64 व्यक्तींचा (19.63 टक्के) मृत्यू झाला आहे. उपचार सुरु असताना चोवीस ते 48 तासांमध्ये 45 व्यक्तींचा (13.80 टक्के), उपचार सुरु असताना 48 ते 72 तासांमध्ये 38 व्यक्तींचा (11.65 टक्के) मृत्यू झाला आहे. तीन ते सात दिवसांचा उपचार घेतल्यानंतरही 87 जणांचा (26.68 टक्के) व्यक्तींचा कोरोनामुळे मृत्यू झाल्याचेही समोर आले आहे. 

आकडे बोलतात.... 
प्रभाग क्र.        एकूण रुग्ण   कोरोनामुक्त   मृत्यू कंसातील आकडेवारी मृत्यूच्या टक्केवारीची 
1                   151            79               13 (8.61) 
2                   114            60               8 (7.02) 
3                    219           106             31 (14.16) 
4                   184            124             16 (8.70) 
5                    153            96                11 (7.19) 
6                     113          55                 13 (11.50) 
7                     244         99                   24 (9.84) 
8                     170         87                  22 (12.94) 
9                   147          91                 14 (9.52) 
10                 105         59                  14 (13.33) 
11                71           48                    6 (8.45) 
12             104            61                   9 (8.65) 
13             172            122                 18(10.47) 
14              251           192                18 (7.17) 
15              130           73                   11 (8.46) 
16              123          78                    9 (7.32) 
17              127          88                   9 (7.09) 
18              154          109                10 (6.49) 
19              98            77                   7 (7.14) 
20             79            38                   9 (11.39) 
21            148           50                  13 (8.78) 
22            60            37                   7 (11.67) 
23            113           40                  7 (6.19) 
24             176          41                  9 (5.11) 
25             116          27                  2 (1.72) 
26              145         45                  11 (7.59) 
ओळख न पटलेले 95 जण असून त्यातील 11 कोरोना मुक्त झाले आहेत तर पाच जणांचा मृत्यू झाला आहे. 
(स्थिती जुलैच्या दुसऱ्या आठवड्यापर्यंतची, माहिती 3762 रुग्णांची) 

आकडे बोलतात
नागरी आरोग्य केंद्र   रुग्ण  कोरोनामुक्त मृत्यू कंसात आकडेवारी मृत्यूच्या टक्केवारीची 
बाळे                       123     71              8 (6.50) 
भावनाऋषी               233     147           18 (7.73) 
सिव्हील                  196     148            16 (8.16) 
दाराशा                   297      159            22 (7.41) 
देगाव                      341     143            31 (9.09) 
जिजामाता                403     299            41 (10.17) 
जोडभावी पेठ          109       70             14 (12.84) 
मजरेवाडी                274       65             11 (4.01) 
मुद्रा सनसिटी           298      188             31 (10.40) 
नई जिंदगी               92        61               9 (9.78) 
रामवाडी                 304       124             27 (8.88) 
साबळे हॉस्पिटल      513       282             53 (10.33) 
शेळगी                   166       73               14 (8.43) 
सोरेगाव                  244      72                 9 (3.69) 
विडी घरकुल            116      67               16 (13.79) 
ओळख न पटलेल्या 53 जणांपैकी 24 कोरोनामुक्त झाले असून सहा जणांचा मृत्यू झाला आहे. 
(स्थिती जुलैच्या दुसऱ्या आठवड्यापर्यंतची, माहिती 3762 रुग्णांची)