छत्रपती संभाजीनगर - महाराष्ट्र राज्य माध्यमिक व उच्च माध्यमिक शिक्षण मंडळाने दहावीच्या परीक्षा शुल्कात सलग तिसऱ्यांदा वाढ केली. २०२५-२६ या शैक्षणिक वर्षासाठी दहावीच्या नियमित विद्यार्थ्यांकडून आता ५२० रुपये परीक्षा शुल्क आकारले जाणार आहे..याआधी ४७० रुपये शुल्क आकारले जात होते. आता यामध्ये ५० रुपयांची वाढ करण्याचा निर्णय कार्यकारी परिषदेच्या नुकत्याच पार पडलेल्या बैठकीत झाला. यावर पालकांनी नाराजी व्यक्त केली आहे.राज्य शिक्षण मंडळाच्या कार्यकारी परिषदेच्या बैठकीत परीक्षा शुल्कवाढीचा मुद्दा चर्चेला आला होता. या चर्चेनंतर निर्णय घेत फक्त परीक्षा शुल्कात वाढ झाली. इतर शुल्कांमध्ये जसे प्रशासकीय शुल्क, गुणपत्रक शुल्क व प्रमाणपत्र शुल्कात कोणताही बदल केला नाही..यामध्ये प्रत्येक प्रकारासाठी २० रुपये शुल्क कायम आहे. विद्यार्थ्यांना परीक्षेनंतर मिळणाऱ्या गुणपत्रिका व प्रमाणपत्रे लॅमिनेट स्वरूपात दिली जातात. यासाठी प्रत्येकी २० रुपये शुल्क आकारले जात आहे, हे शुल्क देखील विद्यार्थ्यांकडूनच घेतले जाते..विद्यार्थ्यांवर आर्थिक ओझेराज्य शिक्षक परिषदेचे सदस्य सांगतात, की शाळांवर सर्व तांत्रिक कामांचा भार टाकला जातो. मंडळाचा प्रत्यक्ष खर्च कमी आहे. अशा परिस्थितीत शुल्क वाढवणे अन्यायकारक आहे. विद्यार्थ्यांवर आर्थिक ओझे वाढवणारा हा निर्णय आहे, अशी टीका शिक्षक संघटनांनी केली आहे..खासगी विद्यार्थ्यांसाठी हजार रुपये शुल्कनियमित विद्यार्थ्यांसोबतच खासगी विद्यार्थ्यांनाही परीक्षा शुल्क भरावे लागते. मात्र, त्यांचे शुल्क अधिक असते. खासगी विद्यार्थ्यांची नोंदणी १,११० रुपये; तर प्रक्रिया शुल्क १०० रुपये असणार आहे. याशिवाय सर्व परीक्षा प्रक्रियेतील तांत्रिक कामाचे शुल्क वेगळे असणार आहे..गत तीन वर्षांत सलग वाढगेल्या तीन वर्षांत शिक्षण मंडळाने सलग तीन वेळा परीक्षा शुल्क वाढवले आहे. २०२३-२४ मध्ये शुल्कामध्ये २० रुपयांनी वाढ केली होती. त्यानंतर २०२४-२५ मध्ये ३० रुपये वाढविले होते. आता २०२५-२६ या शैक्षणिक वर्षासाठी देखील ५० रुपये वाढवण्यात आले आहेत. या सलग शुल्कवाढीमुळे अनेक विद्यार्थी, पालक व शिक्षक संघटनांनी नाराजी व्यक्त केली आहे..शालेय खर्च आधीच वाढले आहेत. वह्या, पुस्तके, गणवेशावर होणारा खर्च झपाट्याने वाढतो आहे. त्यातच परीक्षा शुल्कात दरवर्षी वाढ होणे कष्टकरी वर्गासाठी मोठा आर्थिक ताण आहे. तांत्रिक प्रक्रिया डिजिटल होत असताना व खर्च कमी होणे अपेक्षित असताना, उलट शुल्कात वाढ का? असा प्रश्न उपस्थित होत आहे.- अरविंद सोनवणे, पालक.सकाळ+ चे सदस्य व्हा ब्रेक घ्या, डोकं चालवा, कोडे सोडवा!शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
