मुनगंटीवार म्हणाले, जनतेचे प्रश्न राहिले स्वत:च्या फायदयासाठी हे सर्व

शिवसेनेचे खासदार संजय राऊत (sanjay Raut) यांनी मोठा गाजावाजा करून पत्रकार परिषद घेतली. त्यांच्या पत्रकार परिषदेतून काहीही निघणार नाही. जनतेचे प्रश्न राहिले, स्वत:च्या फायदयासाठी हे सर्व सुरू आहे, असे सुधीर मुनगंटीवार (Sudhir Mungantiwar) म्हणाले.

संजय राऊतांकडून (sanjay Raut) भाजपच्या साडेतीन नेत्यांचा भांडाफोड करण्यात येणार असल्याची जाहिरात कालपासून सुरू आहे. हे साडेतीन नेते अनिल देशमुख असलेल्या कारागृहात जातील आणि देशमुख बाहेर येतील असे म्हणाले होते. संजय राऊतांनी केलेले आरोप हे पोकळ वाशासारखे आहे. ज्यांनी बाळासाहेबांना आत टाकलं, त्या छगन भुजबळांना मंत्री न बनवण्यासाठीचे आदेश बाळासाहेबांनी दिले होते. मात्र, त्या भुजबळांच्या मांडीला मांडी लावून आज हे सत्तेत आहेत, असेही सुधीर मुनगंटीवार (Sudhir Mungantiwar) म्हणाले.

भाजप (BJP) हा मोठा पक्ष आहे. शिवसेनेचे फक्त महाराष्ट्रात ५६ आमदार आहेत. यापूर्वी कलमाडी, ए राजा यांच्यावरही ईडीने कारवाई केली होती. तेव्हा काँग्रेसचे सरकार होते. तपास यंत्रणांना आताच दबाव वाटतो का?, असा प्रश्नही मुनगंटीवार यांनी उपस्थित केला. सत्तेत राहून किरीट सोमय्या यांना धमकी दिली जाते. यावरूनच लक्षात येत कोण धमक्या देत आहे आणि सत्तेचा चुकीचा वापर कोण करतोय, असेही सुधीर मुनगंटीवार (Sudhir Mungantiwar) म्हणाले.