Shinde Vs Thackeray: तुमच्या सुप्रीम कोर्टात बैठका झाल्यात का...त्या दाव्यावरुन सेनेच्या बड्या नेत्याचा सवाल

महाराष्ट्रातील सत्तासंघर्षावरील सुनावणी पूर्ण झाली आहे. गेल्या आठ महिन्यांपासून राज्यातील सत्तासंघर्षावर सुनावणी सुरू होती. दोन्ही बाजूने जोरदार युक्तिवाद करण्यात आला. मात्र, कोर्टाने यावरील निकाल राखून ठेवला असून निर्णय कधी देण्यात येणार हे स्पष्ट केलेलं नाही. दरम्यान, सुप्रीम कोर्टाच्या निकालानंतर शिवसेनेकडून अनेक प्रश्न उपस्थित करण्यात आले आहेत. (supreme court hearing Shiv Sena eknath shinde vs uddhav thackeray maharashtra politics )

सुनावणीनंतर शिवसेनेचे खासदार संजय राऊत यांनी माध्यमांशी संवाद साधला. यावेळी, सुनावणी दोन्ही बाजूने झाली. न्यायालयात आमच्याकडून अनिल देसाई आणि अनिल परब उपस्थित आहेत. न्यायालयात काय झालं हे दोघांनीही स्पष्ट सांगितलं आहे. सुनावणीकडं उद्धव ठाकरेंच बारीक लक्ष, प्रत्येक घडामोडी ते पाहत आहेत.

दोन्ही बाजूचा युक्तीवाद पाहिल्यावर प्रत्येकजण आपली भूमिका आपापल्या दृष्टीकोणातून मांडत आहेत. गेल्या काही दिवसांपासून भाजप आणि बंडखोर गट वारंवार सांगतायत की निकाल आमच्याच बाजूने आहे. चिन्ह आम्हालाच मिळेल. आमचाच बाप खरा. असं बोलतायत.

फडणवीस यांनी एका कार्यक्रमात निकाल आमच्या बाजून लागणार असल्याचे सांगितले. एवढा आत्मविश्वास त्यांना येतो कोठुन? नारायण राणे यांच्यावर कारवाई व्हायला हवी कारण, 'त्यांनी लिहून घ्या ब्रेकिंग न्यूज चिन्ह हे फुटीर गटाला मिळेल" हे तुम्ही खात्रीने कसं सांगू शकता? असा सवाल उपस्थित राऊतांनी केला. तर तुमच्या रात्री बैठका झाल्या का सुप्रीम कोर्टात? ते काय कणकवीला कॉर्नर मिटींग आहे का? असे अनेक सवाल उपस्थित केले.

कोर्टात आम्ही अत्यंत ठामपणे आमची बाजू मांडली आहे. आणि आमचा न्यायालयावर विश्वास आहे. अजूनही या देशातला न्याच मेलेला नाही. आणि शिवसेना कुणाची आहे हे पाहायचं असेल तर जनतेत जाऊन पाहा. बाळासाहेब ठाकरेंची शिवसेना आणि उद्धव ठाकरेंची शिवसेना ही खरी शिवसेना आहे. असं ठामपणे राऊत यांनी सांगितलं.