Supriya Sule: 'माझ्या लग्नात वर्‍हाडींना फक्त एक पेढा दिला' सुप्रिया सुळेंनी सांगितला लग्नाचा 'तो' किस्सा

बारामती लोकसभा मतदारसंघाच्या खासदार सुप्रिया सुळे इंदापूर तालुक्याच्या दौऱ्यावर आहेत. त्यांनी इंदापूर तालुक्यातल्या वेगवेगळ्या गावांना भेटी देत दौरा करत आहेत. यावेळी त्यांनी एका कार्यक्रमात कार्यकर्त्यांना संबोधित केलं.

त्यांनी त्यांच्या मुलीच्या लग्ना विषयी भाष्य केलं. त्या म्हणाल्या, मी माझ्या मुलीच्या लग्नात कोणताही मोठे पणा करणार नाही, माझ्या लग्नात माझ्या वडिलांनी कोणताही मोठे पणा केला नाही माझ्या लग्नात फटाके वाजवले नाहीत.

फुलं नव्हती, जेवण नव्हतं, माझ्या वडिलांनी एक पेढा सगळ्यांना दिला. आपण कपड्यांनी मॉर्डन होतो, पण विचारांनी मॉर्डन झालं पाहिजे. मी साडी घालते, पण जिन्स घातलेल्यापेक्षा मॉर्डन आहे, असं सुप्रिया सुळे म्हणाल्या.

तर शिंदे सरकारवर देखील टीका केली, त्या म्हणाल्या, 50 खोक्यामुळे आपलं सरकार गेलं, जाऊद्या, अपना टाईम आएगा, जेव्हा जेव्हा दिल्ली अडचणीत असायची तेव्हा महाराष्ट्र धावून जायचा, महाराष्ट्राचा मुख्यमंत्री दिल्लीत गेला तर देशाचं राजकारण हलायचं, पण महाराष्ट्राला दिल्ली चावलते. असा टोला त्यांनी लगावला.

दरम्यान खासदास सुप्रिया सुळे यांचा मतदारसंघात दौरा चालू आहे. विविधा भागात जावून त्या कार्यकर्त्याशी संवाद साधत आहेत.