बीड : मस्साजोग (ता. केज) येथील सरपंच संतोष देशमुख यांचे अपहरण करून हत्या आणि पवनचक्की खंडणी प्रकरण लावून धरणारे भाजप आमदार सुरेश धस यांनी वाल्मीक कराडसाठी ‘आका’ तर अन्न व नागरी पुरवठा मंत्री धनंजय मुंडे यांच्यासाठी ‘आकाचे आका’ अशी विशेषणे वापरून राळ उठविली. आता त्यांनी ‘बडी मुन्नी’ हे नवे विशेषण आणले. ‘मुन्नी’ ही राष्ट्रवादी कॉँग्रेसमधील पुरुष असल्याचे धस यांनी स्पष्ट केले.