क्रांतिसूर्य महात्मा ज्योतिबा फुलेंना स्मृतिदिनी अभिवादन!

मुंबई : क्रांतिसूर्य महात्मा ज्योतिबा फुले यांची आज (28 नोव्हेंबर 1890) पुण्यतिथी! सत्यशोधक समाज संस्थेद्वारे त्यांनी समाजसुधारण्याचे व स्त्री शिक्षणाची मुहूर्तमेढ रोवण्याचे काम केले. पत्नी सावित्रीबाई फुले यांच्या मदतीने समाजातील स्त्रियांना शिक्षण देण्यासाठी धडपडणाऱ्या ज्योतिबांना आज सर्वांनी आदरांजली वाहिली आहे. 

'सकाळ'चे मोबाईल ऍप डाऊनलोड करा

ज्योतिबांनी शेतकरी आणि बहुजन समाजाच्या समस्यांना केंद्रस्थानी ठेवून त्यावर काम केले. जनतेने त्यांना 'महात्मा' ही उपाधी 1888मध्ये बहाल केली. बहुजन समाजाचे अज्ञान, दारिद्रय आणि समाजातील जातिभेद पाहून त्यांनी ही सामाजिक परिस्थिती सुधारण्याचा निश्चय केला. त्यांनी 1848मध्ये पुण्यामध्ये बुधवार पेठेतील भिडे यांच्या वाड्यात पहिली मुलींची शाळा काढून तेथील शिक्षिकेची जबाबदारी सावित्रीबाईंवर सोपविली. महाराष्ट्रातील स्त्रीशिक्षणाची ही मुहूर्तमेढ ठरली. तसेच अस्पृश्य मुलांसाठी त्यांनी पुण्याच्या वेताळ पेठेत 1852मध्ये शाळा स्थापन केली. त्यांच्या या कार्याला सनातन्यांकडून सतत विरोध होत असे. पण ज्योतीबा आपल्या भूमिकेवर ठाम असत. ज्योतिबांनी पत्‍नी सावित्रीबाईंना शिक्षण देऊन शिक्षणकार्यास प्रवृत्त केले. शाळेच्या मुख्याध्यापकपदी आरूढ झालेली भारतातील पहिली महिला म्हणजे सावित्रीबाई. त्याचप्रमाणे स्वतंत्रपणे फक्त स्त्रियांसाठी शाळा काढणारे महात्मा फुले हे पहिले भारतीय होते.

राज्यात आजपासून उद्धव सरकार  

आज सोशल मीडियावर ज्योतिबांना सर्वांनी अभिवादन केले आहे. 

समतेचे पुरस्कर्ते व धर्मव्यवस्थेच्या गुलामगिरीतून भारतीय समाजाला मुक्त करण्यासाठी क्रांतीची ज्योत पेटविणारे महात्मा जोतिबा फुले यांच्या स्मृतिदिनी त्यांना विनम्र अभिवादन! pic.twitter.com/OratdQvbHY

— Sharad Pawar (@PawarSpeaks) November 28, 2019

थोर सामाजिक कार्यकर्ते, क्रांतिसूर्य महिला शिक्षणासाठी पुढाकार घेणारे महात्मा जोतिबा फुले यांना स्मृतिदिनी भावपूर्ण आदरांजली.. pic.twitter.com/BTzIgCzGl6

— Devendra Fadnavis (@Dev_Fadnavis) November 28, 2019

शोषित समाजाच्या उत्थानासाठी आयुष्य वेचणारे थोर समाजसुधारक महात्मा जोतिबा फुले यांची आज पुण्यतिथि. यानिमित्ताने त्यांच्या स्मृतींना विनम्र अभिवादन...! pic.twitter.com/kqH5GEmHXT

— Supriya Sule (@supriya_sule) November 28, 2019

स्त्रीशिक्षणाची मुहूर्तमेढ रोवून सामाजिक क्रांती घडवणारे आणि बुरसटलेल्या जातिव्यवस्थेचा प्रखरपणे विरोध करणारे थोर विचारवंत, समाजसुधारक महात्मा ज्योतिबा फुले यांना पुण्यतिथीनिमित्त भावपूर्ण आदरांजली! pic.twitter.com/jbKcedcpaK

— Ajit Pawar (@AjitPawarSpeaks) November 28, 2019

स्त्रीशिक्षणाचा पाया रचणारे महाराष्ट्रातील थोर समाजसुधारक महात्मा ज्योतिबा फुले यांना पुण्यतिथीनिमित्त विनम्र अभिवादन! pic.twitter.com/is2RCQFV2D

— Dhananjay Munde (@dhananjay_munde) November 28, 2019

शेतकरी आणि बहुजन समाजाला केंद्रस्थानी ठेवून समतावादी विचारांची मांडणी करणारे आणि महाराष्ट्रातील स्त्री शिक्षणाची मुहूर्तमेढ रोवणारे महात्मा जोतिबा फुले यांच्या पुण्यस्मरण दिनी विनम्र अभिवादन... pic.twitter.com/zLifquWWKN

— NCP (@NCPspeaks) November 28, 2019

समाजातील वंचित घटकाला शिक्षणाच्या प्रवाहात आणण्याच्या क्रांतीचे प्रणेते, थोर समाजसुधारक महात्मा ज्योतिबा फुले यांना स्मृतिदिनी विनम्र अभिवादन#MahatmaPhule pic.twitter.com/tlF5lGMk8K

— Ashok Chavan (@AshokChavanINC) November 28, 2019