आयुक्तांनी ७ कोटी रुपये कलेक्शन उद्धव ठाकरेंना पाठवलं; अपक्ष आमदाराचा खळबजनक आरोप

अमरावती  - अमरावतीचे राणा दाम्पत्य आणि उद्धव ठाकरे यांची शिवसेना यांच्यातील टीका टीप्पणी थांबण्याचं नाव घेत नाहीये. खासदार नवनीत राणा आणि अपक्ष आमदार रवी राणा सातत्याने उद्धव ठाकरे यांच्यावर हल्लाबोल करत आहेत. त्यातच आज रवी राणा यांनी उद्धव ठाकरे यांच्यावर खळबळजनक आरोप केले आहेत. (Uddhav Thackeray news in Marathi)

आमदार रवी राणा म्हणाले की, महाविकास आघाडीच्या सत्तेच्या काळात पोलिस आयुक्त आरती सिंह यांनी अमरावतीतून अडीच वर्षांच्या काळात महिन्याला सुमारे सात कोटी रुपये कलेक्शन उद्धव ठाकरे यांना पाठवलं. या संपूर्ण प्रकरणाची चौकशी सीआयडीला सोपविण्याचा निर्णय राज्याचे गृहमंत्री देवेंद्र फडणवीस यांनी घेतल्याचं राणा यांनी म्हटलं.

राणा पुढं म्हणाले की, दोन दिवसाआधी माझ्यावर, खासदार नवनीत राणा यांच्यासह आमच्या कार्यकर्त्यांवर दाखल झालेले गुन्हे आणि आरती सिंह यांनी पैसे वसुलीचं जे अभियान चालवलं त्याची चौकशी सीआयडीला दिल आहे.