पंकजा मुंडेंचे गाऱ्हाणे नितीन गडकरींनी ऐकले,अधिकाऱ्यांना आदेश

औरंगाबाद - नितीन गडकरी आपल्या गतिमान कार्यशैलीसाठी प्रसिद्ध आहेत. अशीच एक अनुभूती आली आहे. भाजप (BJP) नेत्या पंकजा मुंडे (Pankaja Munde) यांचे गाऱ्हाणे केंद्रीय भूपृष्ठ व वाहतूक मंत्री नितीन गडकरी (Nitin Gadkari) यांनी ऐकले आहे. त्यांनी आपल्या अधिकाऱ्यांना अडचण सोडवण्याचे आदेश दिले आहे. पंकजा ट्विटमध्ये म्हणतात, की पैठण-पंढरपूर राष्ट्रीय महामार्ग ७५२ ला काम पूर्ण होण्याच्या आधीच भेगा पडल्या आहेत. माननीय केंद्रीय मंत्री नितीन गडकरीजी यांना लिहीनच. त्यांनाही हे अजिबात चालणार नाही नाही. तात्काळ दखल घेतली जाईल.

या ट्विटला उत्तर देताना नितीन गडकरी म्हणाले, की संबंधित महामार्गाचे कंत्राटीदाराविरुद्ध कडक कारवाई करण्याचे आदेश अधिकाऱ्यांना दिले आहेत आणि रस्त्याची दुरस्ती लवकर करण्याचे सांगितले आहे. यावर पंकजा मुंडे यांनी गडकरी यांचे आभार मानले आहे.