Urfi Javed Chitra Wagh : उर्फीच्या अडचणीत वाढ; वाघांच्या तक्रारीनंतर पोलिसांची कारवाई

उर्फी जावेद आणि चित्रा वाघ यांच्यातला वाद गेल्या काही दिवसांपासून विकोपाला गेला होता. आता या वादाचा नवा अंक पाहायला मिळत आहे. मुंबई पोलिसांनी आता उर्फी जावेदला समन्स बजावलं आहे. त्यामुळे उर्फीच्या अडचणीत वाढ झाली आहे.

अंबोली पोलीस ठाण्यात उर्फी जावेदची चौकशी होणार आहे. उर्फीला आज हजर होण्याची नोटीसही जारी करण्यात आली आहे. मुंबई पोलिसांनी भाजपा नेत्या चित्रा वाघ यांच्या तक्रारीची दखल घेत ही कारवाई केली आहे. पोलिस आयुक्तांच्या आदेशानुसार सार्वजनिक ठिकाणी अंगप्रदर्शन केल्याप्रकरणी ही कारवाई होत आहे. सहाय्यक पोलीस निरीक्षक शैला कोराडे यांची या प्रकरणी चौकशी अधिकारी म्हणून नियुक्ती करण्यात आली आहे.

हेही वाचा - सूर्यकुमार...भारतीय क्रिकेट मधला 'लंबी रेस का...'

कालच अभिनेत्री उर्फी जावेदने महिला आयोगाकडे धाव घेत तक्रार दाखल केली आहे. तिने काल महिला आयोगाच्या अध्यक्षा रुपाली चाकणकर यांची भेटही घेतली. आपण विशिष्ट समाजाचे असल्याने भाजपा नेत्या चित्रा वाघ आपल्याला टार्गेट करत आहेत, तसंच जीवे मारण्याची धमकी देत आहेत, असं उर्फीच्या वकिलांनी दिलेल्या तक्रारीत म्हटलं आहे.