राज्यात निर्बंध असताना, प्रवास करायचा आहे? काय आहेत नियम?

पुणे : राज्यात कोरोना रुग्णवाढ चिंताजनक वेगाने होत असल्याने कोरोनाची ही साखळी तोडण्यासाठी मुख्यमंत्री उद्धव ठाकरे यांनी ‘ब्रेक द चेन’अंतर्गत पुढील १५ दिवस राज्यात संचारबंदी जाहीर केली आहे. राज्यात लॉकडाऊन सदृश्य निर्बंध लादले असून आज (बुधवारी) रात्री आठ वाजल्यापासून ते एक मे रोजी सकाळी ७ वाजेपर्यंत कलम 144 लागू करण्यात आली आहे. त्यामुळे संचारबंदी असणार आहे. या काळात अत्यावश्यक कारणाशिवाय लोकांना घराबाहेर पडता येणार नाहीत.

राज्यात लागू करण्यात आलेल्या नव्या निर्बंधानुसार, राज्यात अत्यावश्यक सेवा आणि वैध काराणांसाठी सार्वजनिक वाहतूक आणि खासगी वाहतूक सुरू असून नियमांचे काटेकोर पालन करणे अनिवार्य आहे. म्हणजेच अत्यावश्यक सेवीतील कर्मचाऱ्यांना आणि वैध कारणासाठी राज्यांतर्गत प्रवासाची परवानगी देण्यात आली आहे. रिक्षा, एसटी बस,  टॅक्सी, रेल्वे, विमान सेवा राज्यात सुरू असून नियामांचे काटेकोर पालन करणे आवश्यक आहे.

राज्यात लग्न समारंभासाठी नियमात बदल; इतर कार्यक्रमांसाठी कसे आहेत निर्बंध?

सार्वजनिक वाहतूकीसाठीचे नियम
रिक्षा : चालक+२ प्रवासी
टॅक्सी (चार चाकी) : चालक+आरटीओ नियमानुसार ५० टक्के आसनक्षमता
बस : आरटीओनुसार पूर्ण आसनक्षमता, स्टँडींगला परवानगी नाही
- सर्व प्रवाशांनी मास्क योग्य पद्धतीने लावणे अनिवार्य, अन्यथा पाचशे रुपये दंड
- टॅक्सीत प्रवाशाने मास्क घातला नसल्यास त्याच्यासह चालकाला प्रत्येकी पाचशे रुपये दंड
- प्रत्येक फेरीनंतर वाहनाचे निर्जंतुकीकरण करावे
- नियमांचे पालन न करणाऱ्या सर्व रेल्वे गाड्यांतील प्रवाशांना प्रत्येकी ५०० रुपये दंड
- बस, रेल्वे, विमानाने येणाऱ्या प्रवाशांना वैध तिकिटाच्या अटीवर पुढील प्रवासासाठी सार्वजनिक वाहतुकीच्या वापराची परवानगी

- अशी असेल ‘ब्रेक दि चेन’!​
 

खासगी वाहतूकीचे नियम
- आणीबाणी, अत्यावश्यक सेवा किंवा वैध कारणांसाठी खासगी वाहनांना परवानगी
- नियम मोडल्यास एक हजार रुपये दंड