कोण होते मानस पगार? नाशिक निकालाच्या आधी सत्यजित तांबेंच्या जवळच्या सहकाऱ्याचे निधन

Nashik MLC Election Results 2023: एकिकडे नाशिक पदवीधर मतदारसंघासाठी मतमोजणीस सुरुवात झाली आहे. तर दुसरीकडे कॉंग्रेसला मोठा धक्का बसला आहे. कॉंग्रेसच्या युवा नेत्याचे अपघातात निधन झाले आहे. त्याच्या निधनानंतर राजकीय वर्तुळात अनेक तर्क वितर्क लावण्यात येत आहेत.

आज नाशिक पदवीधर मतदारसंघाचा निकाल लागणार आहे. त्या पार्श्वभूमीवर मानस पगार आणि त्यांच्यासोबत काही सहकारी नाशिक येथे जात असताना हा अपघात झाला. नाशिकमधील लोकमान्य रुग्णालयात त्यांना उपचारासाठी दाखल करण्यात आले. मात्र मानस यांना डॉक्टरांनी मृत घोषित केले. इतर लोकांवर उपचार सुरु आहेत.

मानस पगार कोण आहेत?

मानस पगार हे काँग्रेस पक्षाचे नाशिकचे युवक जिल्हाध्यक्ष होते. काँग्रेसमध्ये येण्याच्या आधीपासून पुरोगामी, धर्मनिरपेक्ष विचारांसाठी त्यांनी काम सुरु केले होते. युथ फॉर डेमोक्रसी या संघटनेच्या माध्यमातून सेक्यूलर विचारांना अधिक युवकांपर्यंत पोहोचवण्यासाठी ते आणि त्यांचे सहकारी कार्यरत होते.

तसेच काँग्रेस पक्षाची सोशल मीडियावरील बुलंद तोफ म्हणूनही त्यांची ओळख होती. भाजपाकडून करणाऱ्या येणाऱ्या आरोपांना, दाव्यांना पुराव्यासहीत खोडून टाकण्याचे प्रसंगी प्रतिवाद करण्याची भूमिका मानस घेत असत. त्यांच्या लिखाणामुळे अनेक तरुण काँग्रेससोबत जोडले गेले होते.

सत्यजित तांबे यांनी अपक्ष अर्ज भरल्यानंतर त्यांची बाजू सोशल मीडियावर जोरकस मांडण्याापसून ते प्रचारासाठी लिखाण करेपर्यंत अनेक जबाबदाऱ्या मानस पगार सांभाळत होते.