Mumbai News: ज्येष्ठ नेते छगन भुजबळ यांनी बंडाचा झेंडा उभारल्याने लोकसभा निकालातून सावरलेल्या राष्ट्रवादी कॉंग्रेससमोर नवे वादळ निर्माण झाले आहे. .मराठा समाजाचा पक्ष ही ओळख मिटवण्यासाठी राष्ट्रवादी कॉंग्रेस पक्षाचे संस्थापक अध्यक्ष शरद पवार यांनी कायमच ओबीसी समाजाचे नेतृत्व करणाऱ्या छगन भुजबळ यांना मानाचे स्थान दिले होते. पक्षफुटीनंतर भुजबळ यांनी अजित पवारांना साथ दिली, तरी यावेळी भुजबळांना पुरेसा मान देण्याचा विसर तापदायक ठरतो आहे. .विधानसभेत उत्तम कामगिरी नोंदवणाऱ्या राष्ट्रवादीच्या कामगिरीमुळे अजित पवारांच्या नेतृत्वगुणांचे कौतुक होत असताना ते टीकेचे धनी झाले आहेत. भुजबळांच्या तीव्र रोषाला कसे हाताळायचे, याबद्दल अजित पवार आता सुनील तटकरे आणि प्रफुल्ल पटेल यांच्याशी सल्लामसलत करीत असल्याचे सांगण्यात येते.खातेवाटपासंबंधी चर्चा करण्यासाठी शपथविधीनंतर दिल्लीला गेलेले अजित पवार सायंकाळी नागपुरात परतले. ओबीसी समाजाला योग्य प्रतिनिधित्व दिल्याने या नाराजीचा आमच्यावर परिणाम होणार नसल्याचे भाजपतर्फे सांगण्यात येत आहे..विरोधी पक्षनेतेपदासाठी ठाकरे आग्रहीठाकरे गटाचे पक्षप्रमुख उद्धव ठाकरे नागपुरात पोहोचले आहेत. विधानसभेत महाविकास आघाडीत ठाकरे गटाची संख्या अधिक असल्याने विरोधी पक्षनेतेपद आम्हाला द्यावे, अशी पक्षाची भूमिका आहे.या पदासाठी भास्कर जाधव यांच्या नावाचे पत्र विधानसभा अध्यक्षांना दिले जाणार आहे. त्याबाबत मंगळवारी कॉंग्रेस आणि राष्ट्रवादी कॉंग्रेसशी चर्चा होण्याची शक्यता आहे..सकाळ+ चे सदस्य व्हा ब्रेक घ्या, डोकं चालवा, कोडे सोडवा!शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
