सबस्क्राईब करा
अमरावतीः राज्याचे उपमुख्यमंत्री तथा पालकमंत्री देवेंद्र फडणवीस हे अमरावतीच्या जिल्हाधिकारी कार्यालयात एक बैठक घेत आहेत. मात्र त्यांच्या बैठकीमध्ये काही कार्यकर्त्यांनी घुसण्याचा प्रयत्न केला आहे. स्वाभिमानी शेतकरी संघटनेचे हे कार्यकर्ते असल्याचं सांगितलं जात आहे. शेतकऱ्यांच्या मागण्यांसाठी हे कार्यकर्ते आक्रमक झाले आहेत.
अमरावती येथे उपमुख्यमंत्री दवेंद्र फडणवीस यांची बैठक सुरु आहे. मराठी भाषा विद्यापीठ आणि टेक्स्टाईल पार्क यासंदर्भात जिल्हाधिकारी कार्यालयात बैठक सुरु असून स्वाभिमानी शेतकरी संघटनेच्या पदाधिकाऱ्यांनी बैठकीत घुसण्याचा प्रयत्न केला आहे. शेतकऱ्यांच्या समस्या आणि अमरावती जिल्हा पालकमंत्र्यांनी वाऱ्यावर सोडल्याचा आरोप उपस्थित आंदोलकांनी केलाय.
मागील दोन-तीन दिवसांपासून अवकाळी पावसामुळे गहू, टरबूज आणि संत्र्याचं नुकसान झालं आहे, अतिवृष्टीचे पैसे अजून दिले नाही आणि इतर मागण्या पूर्ण न झाल्याने कार्यकर्ते आक्रमक झाले आहेत. मात्र पोलिसांनी कार्यकर्त्यांना अडवलं आहे. उपमुख्यमंत्री जेव्हा बाहेर येतील तेव्हा त्यांना भेटतील, असं आश्वासन आंदोलकांना देण्यात आलेलं आहे.
दरम्यान, राज्यभरात मागील दोन-तीन दिवसांपासून वादळी वाऱ्यासह गारपीट आणि अवकाळी पावसाने हजेरी लावली आहे. शेतीवर अक्षशः बर्फाचा थर जमा झाला होता. त्यामुळे शेतकऱ्यांचं मोठ्या प्रमाणावर नुकसान झालेलं आहे. मराठवाडा, नगर, बुलडाणा, कोल्हापूर, अमरावती या जिल्ह्यांसह अनेक भागात नुकसान झालेलं आहे.
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.