'तानाजी : द अनसंग वॉरियर'चे पहिले पोस्टर रिलीज झाल्यापासूनच हा चित्रपट आणि अजय देवगण चर्चेत आहे. तानाजी मालुसरेंच्या गौरव गाथेवर आधारित हा चित्रपट बघण्यासाठी सर्वजण उत्सुक आहेत. काल व आज काजोलने या चित्रपटाचे टीझर रिलीज केले. यापूर्वी काजोलने तानाजी मालुसरे, शिवाजी महाराज, जिजाबाई, औरंगजेब यांचे पोस्टर रिलीज केले होते. आज शेअर केलेल्या टीझरमुळे पुन्हा एकदा तानाजी बघण्यासाठी चाहते आतुर आहेत.
रात्रीची वेळ आहे आणि अवाढव्य अशा कोंढाण्यावर मावळे आणि मुघलांमध्ये लढाई होणार आहे. 'एक तरफ मुघलों की आँधी और दुसरी तरफ मुठ्ठी भर मराठा' असा भारदस्त आवाज... असा 12 सेकंदांचा टीझर रिलीज झाला आहे. शिवाजी महाराजांच्या इतिहासात तानाजी मालुसरे व सिंहगडावरील लढाईला मोठे महत्त्व आहे. त्यामुळे हे प्रोमो बघताना अंगावर काटा आल्यावाचून राहात नाही. तर दुसऱ्या टीझरमध्ये सिंहगड व हातात भगवा घेऊन उभे असलेले तानाजी मालुसरे दिसत आहेत. 'स्वराज से बढकर क्या...' अशी या टीझरची पंच लाईन आहे.
मराठमोळा ओम राऊत हा या चित्रपटाचे दिग्दर्शन करतोय. तर उदयभानाच्या भूमिकेत सैफ अली खान दिसेल. तानाजींच्या पत्नीची भूमिका काजोलच साकारणार अशी चर्चा आहे. 10 जानेवारीला हा चित्रपट प्रदर्शित होईल. हा चित्रपट अजय देवगणचा 100 वा चित्रपट असल्याने त्याला एक वेगळे व विशेष महत्त्व प्राप्त झाले आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.