Abhijeet Shwetchandra: लगीनघाई ! आणखी एक प्रसिद्ध मराठमोळा अभिनेत्याचा 'शुभविवाह'

Abhijeet Shwetchandra wedding: सध्या मराठी मनोरंजन विश्वात कलाकारांची लगीनघाई सुरु आहे. अनेक मराठी सेलिब्रिटी लग्नाच्या बंधनात अडकले आहेत. नुकतच हास्यजत्रा फेम वनिता खरात हिने २ फेब्रुवारीला सुमीतसोबत लग्नबंधनात अडकली.

अजुनही या लग्नाची चर्चा सुरु आहेत. सोशल मीडियावर सगळचं गाजलं त्यातच ‘येऊ कशी तशी मी नांदायला’मधल्या ओमचाही साखरपुडा दणक्यात पार पडला. आता अजून एक मराठमोळा अभिनेता लग्न बंधणात अडकला आहे.

स्टार प्रवाहवरील लक्ष्य मालिकेतील लोकप्रिय अभिनेता अभिजीत श्वेतचंद्र यांनही लग्नगाठ बांधली आहे. त्यानं सेजल वर्दे हिच्यासोबत २४ फेब्रुवारीला लग्न केलं आहे. केवळ कुटुंबीय व मित्रपरिवाराच्या उपस्थितीत हे लग्न झालं. त्याच्या लग्नाचे फोटो सध्या सोशल मीडियावर वाऱ्यासारखे व्हायरस झाले आहेत.

१ जून २०२२ रोजी दोघांचा साखरपुडा पार पडला होता. ८ महिन्यांपूर्वीही अशाच पद्धतीने दोघांच्या साखरपुड्याचे फोटो व्हायरल झाले होते. आता या दोघांनी गुपचूप लग्नही उरकले आहे. व्हायरल होत असलेल्या फोटोंवर चाहते कमेंट आणि लाईक्सचा वर्षाव करत आहेत. त्याचे चाहते आणि सहकलाकारही या नवदामपत्याला नव्या आयुष्यासाठी शुभेच्छा देत आहे.

अभिजित श्वेतचंद्रबाबत बोलायचं झालं तर तो मूळचा अलिबागचा आहे. त्याने काही दिवस नोकरी केली आणि त्यानंतर नोकरीत रस नसल्यानं तो मनोरजंन क्षेत्राकडे वळाला. सुरवातीला त्यानं काही नाटकांत भाग घेतला आणि आता तो मालिका आणि चित्रपटात अभिनय करत आहे.

त्याच्या बाजी, गणपती बाप्पा मोरया,साजणा , बापमाणुस अशा मराठी सिनेमांमध्ये त्याने काम केलयं तर अभिजित श्वेतचंद्र ची पत्नी सेजल वर्दे ही देखील याच क्षेत्रातील आहे. तिने अभिनयाबरोबरच मॉडेलिंग क्षेत्रात काम करत आहे. सध्या अभिजित ‘शुभविवाह’ या मालिकेत दिसतोय. आणि मालिकेच्या नावाप्रमाणेच त्यानेही गुपचूप त्याचा शुभविवाह उरकला आहे.