Riteish Deshmukh on Manoj Jarange: अभिनेता रितेश देशमुखचा जरांगेंच्या उपोषणाला पाठिंबा; व्यक्त केली 'ही' अपेक्षा

Riteish Deshmukh on Manoj Jarange Patil:

सध्या मराठा आरक्षणाचा विषय ऐरणीवर आहे. आज ठिकठिकाणी मराठा आरक्षणासाठी आंदोलकांनी आंदोलन केलंय. अनेक जण या आंदोलनासाठी मनोज जरांगे पाटील यांना पाठिंबा देत आहेत.

अशातच हिंदी - मराठी इंडस्ट्री गाजवलेला रितेश देशमुखने मराठा आरक्षणासाठी उपोषणाला बसलेल्या मनोज जरांगे पाटील यांच्याविषयी काळजी करुन X वर केलेलं ट्विट चर्चेत आहे.

(actor Riteish Deshmukh on Manoj Jarange patil maratha reservation andolan social media post on x)

रितेशचं मराठा आरक्षणासाठी खास ट्विट

रितेश देशमुखने X वर मनोज जरांगे पाटील आणि मराठा आरक्षण आंदोलनाचा फोटो शेअर केलाय. त्यावर रितेश लिहीतो, "जय शिवराय, अनेक वर्षांपासून प्रलंबित असलेल्या मराठा समाजातल्या मागास घटकांच्या न्याय्य मागणीसाठी जरांगे पाटील शांतीपूर्ण उपोषणाला बसलेले आहेत. त्यांच्या तब्येतीसाठी मी प्रार्थना चिंततो. आणि या प्रश्नावर तातडीने तोडगा निघेल अशी अपेक्षा बाळगतो."

सरसकट आरक्षण द्या: मनोज जरांगे पाटील

मनोज जरांगे पाटील यांनी आंतरवाली सराटी येथे सांगितले कि, मंगळवार (ता. 31) रोजी मुंबई येथे राज्यातील सर्व जिल्हाधिकारीना बोलवा व सरसकट कुणबी प्रमाणपत्र द्या, मंत्रिमंडळ बैठकित निर्णय घ्या या शिवाय हे आंदोलन थांबणार नाही, मंत्रीमंडळ बैठित निर्णय घ्या शासनाला जो वेळ पाहिजे तो दिला आहे.

शांततेत आंदोलन करण्याचं जरांगेंचं आवाहन

"मराठा समाजाला आवाहन आहे शांततेत आंदोलन करा आत्महत्या करू नका". असे मनोज जरांगे यांनी सांगितले. उपोषणाच्या 6 व्या दिवशी हि मनोज जरांगे यांनी वैद्यकिय उपचार नाकारले. समाज बांधव व महिला यांनी पाणी घेण्यासाठी मोठा आग्रह जरांगे यांना केला तेव्हा विनंतीचा मान ठेवुन दोन घोट पाणी जरांगे यांनी घेतले. या वेळी जरांगे यांना अश्रू अनावर झाले डोळ्यात पाणी आले.