मुंबई - सोशल मीडियाच्या माध्यमातून कंगणाची सतत आगपाखड सुरु असते. तिचा एक दिवस असा जात नाही की त्यादिवशी तिनं कुणावर टीका केली नाही. सातत्यानं ती वादाच्या भोव-यात सापडलेली असते. एव्हाना कंगणालाही या सा-याची सवय झाली आहे. त्यामुळे तिला शांत राहणे पसंत नाही. दरवेळी एखाद्या प्रसिध्द सेलिब्रेटीवर, राजकारण्यावर ती टीका करत असते. गेल्या आठवड्यात तिच्या थलाइवी नावाच्या चित्रपटाचा ट्रेलर रिलिज झाला होता. त्याला काही तासांतच कोट्यवधी व्ह्युज मिळाले होते. थलाईवी चित्रपटाच्या प्रदर्शनाची तारीख आता जवळ य़ेत चालली आहे. त्यानुसार कंगणानं त्या चित्रपटाच्या प्रमोशनची जोरात तयारी केल्याचे दिसून आले आहे. तिनं बॉलीवूडमधील प्रसिध्द दिग्दर्शक आणि निर्माता करण जोहर, आदित्य चोप्रा यांच्यावर टीका केली आहे.
आपलं म्हणणं हे ठाम असतं, एकदा का सोशल मीडियावर कुठल्या विषयाशी संबंधित प्रतिक्रिया दिली की त्यानंतर माघार नाही. असा निर्धार कंगणाचा असतो. तशी तिची ओळख आहे. यामुळे गेल्या काही वर्षांपासून कंगणानं आपला वेगळा फॅन फॉलोअर्सही तयार केला आहे. थलाइवीच्या ट्रेलरमुळे कंगमावर कौतूकाचा वर्षाव होत आहे. त्याच्या ट्रेलरला मिळालेला प्रतिसाद म्हणजे तिच्यासाठी मोठी पोचपावती आहे. त्यामुळे कंगणानं आता बॉलीवूडमधील काही जणांवर टीका केली आहे. तिनं आता करण जोहर आणि आदित्य चोप्रा यांच्यावर सडकून टीका केली आहे.
ट्रेंड अॅनालिस्ट तरण आदर्शनं त्याच्या एका व्टिटमध्ये असे लिहिले होते की, कंगणाच्या थलाईवी नावाच्या चित्रपटाच्या प्रदर्शनाची तारीख काही केल्या बदलणार नाही. त्यावर करण जोहर आणि आदित्य चोप्रा यांनी तिच्यावर निशाणा साधला आहे. तिनं त्यांना बॉलीवूडचे ठेकेदार असे संबोधले आहे. काही झालं तरी मी त्यांची आई आहे. असंही कंगणा त्यांना म्हणाली आहे. कोविड 19 च्या केसेस वाढण्यास सुरुवात झाली आहे. त्यामुळे अनेक शहरांमध्ये नाईट कर्फ्यू लावण्यात आला आहे. त्यानंतर काही निर्मात्यांनी आपल्या चित्रपटांच्या प्रदर्शनाच्या तारखांमध्ये बदल करण्याचा निर्णय घेतला होता. मात्र कंगणानं त्याला विरोध केला असून तिचा थलाईवी नावाचा चित्रपट हा 23 एप्रिल 2021 रोजी प्रदर्शित होणार आहे.
कंगणानं आपल्या व्टिटमध्ये लिहिलं आहे, त्या लोकांनी मला इंडस्ट्रीमधून बाहेर काढण्यासाठी प्रयत्न केले. आपले वेगळे गट तयार केले. मला त्रास दिला. आज बॉलीवूडचे ठेकेदार करण जोहर आणि आदित्या चोप्रा हे लपत आहेत. सगळे मोठे हिरो लपत आहेत. केवळ कंगणा सर्वात पुढे असून बॉलीवूडला वाचविण्यासाठी शंभर कोटीची मुव्ही घेऊन येत आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.