वाढदिवसासाठी बॉलिवूडचा खिलाडी गेलाय 'या' खास ठिकाणी

मुंबई : अभिनेता अक्षय कुमार हा बॉलिवूडचा 'बिझी' कलाकार आहे, असं म्हटलं तर वावगं ठरणार नाही. कारण तो सध्या वेगवेगळ्या चित्रपटांमध्ये प्रचंड व्यस्त आहे. परिणामी, कुटुंबासोबत वेळ घालवणे त्याला शक्य होत नाही. पण असे असले तरी आपला 52 वा वाढदिवस साजरा करण्यासाठी अक्षय त्याच्या कुटुंबासमवेत एका खास ठिकाणी गेला आहे.

अक्षयचा वाढदिवस 9 सप्टेंबरला असतो आणि त्यासाठी दोन दिवस आधीच तो लंडनसाठी रवाना झालाय. फोटोग्राफर विराल भयानी याने त्याच्या इन्स्टाग्राम अकाउंटवर अक्षयचा एअरपोर्टवरचा व्हिडिओ अपलोड केला आहे. अक्षयसोबत त्याची बायको ट्विंकल खन्ना आणि लेक नितारा दिसत आहेत. 

अक्षयचे नुकतेच मिशन मंगल आणि केसरी हे दोन सुपरहिट सिनेमे दिले आहेत. याशिवाय तो सूर्यवंशी, हाउसफुल ४, बच्चन पांडे आणि गूड न्यूज या आगामी चित्रपटांतून प्रेक्षकांच्या भेटीला येणार आहे.