Ashish Sakharkar Passes Away: चारवेळा मिस्टर इंडियाचा मान पटकावणाऱ्या जगप्रसिद्ध मराठमोळ्या बॉडीबिल्डरचे निधन

Ashish Sakharkar Passes Away: जगभरात महाराष्ट्राचा डंका वाजवणारा मराठमोळा बॅाडीबिल्डर आशिष साखरकर (Ashish Sakharkar) याची प्राणज्योत मालवली आहे. आशिष हे गेल्या काही दिवसांपासून गंभीर आजाराचा सामना करत होते. मात्र त्यांची ही झुंज अयशस्वी ठरली. या आजारामुळे त्यांचे निधन झाले आहे.

मिस्टर इंडिया, मिस्टर युनिव्हर्स, महाराष्ट्र श्री यांसारख्या अनेक किताबांवर आशिषनं नावं कोरलं होतं. तो केवळ देशातच नव्हे तर जगभरात त्याने अनेक स्पर्धा जिंकल्या होत्या. तो लोकप्रिय बॅाडीबिल्डिर होता. त्याचे लाखो चाहते होते. त्याच्या जाण्याने सर्वत्र शोककळा पसरली आहे. त्याचे चाहते त्याच्या शेवटच्या पोस्टवर त्याला श्रद्धांजली वाहत आहे. त्याच्या जाण्याने चाहत्यांना खुप मोठा धक्का बसला आहे.

आशिष याच्या कामगिरीवर नजर टाकली असता त्याने चार वेळा मिस्टर इंडिया विजेते, चार वेळा फेडरेशन कप विजेता, मिस्टर युनिव्हर्स रौप्य आणि कांस्य मिस्टर आशिया रौप्य, युरोपियन चॅम्पियनशिप, शिवछत्रपती पुरस्कार प्राप्त केला होता.

आशिषने शरिरावर खुप मेहनत घेत बॉडीबिल्डिंगच्या जगात स्वत:ची ओळख निर्माण केली होती. काही दिवसांपासून तो आजाराने त्रस्त होता. त्याच आजाराने त्याचा जीव घेतला. आशिष साखरकरच्या पार्थिवावर आज अंत्यसंस्कार करण्यात येणार आहे.