मुंबई - आपल्या बिनधास्त आणि बोल्ड वक्तव्यांमुळे नेहमीच चर्चेत असणारी अभिनेत्री म्हणजे कंगना राणावत. कंगना नेहमीच सोशल मिडीयावर काही ना काही पोस्ट करत असते. तिच्या सोशल मिडीयावरील मतांवरून अनेक वेळा तिला ट्रोल केले जाते. मोटिव्हेशन स्पिकर जग्गी वासूदेव म्हणजेच सद्गुरू यांचे व्हीडिओ सोशल मीडियावर खूप गाजतात. तसेच त्यांच्या सोशल मीडियावरील पोस्टला देखील नोटकऱ्यांची पसंती मिळते. सद्गुरू त्यांच्या मोटिव्हेशन व्हिडीओ आणि सोशल मीडिया पोस्टमधून लोकांना संदेश देतात. कंगना सद्गुरूंची शिष्या आहे. तिने एकदा सद्गुरूंची मुलाखत घेतली होती. त्या मुलाखतीला प्रेक्षकांचा चांगला प्रतिसाद मिळाला होता.
नुकताच सद्गुरूंनी महिला दिनानिम्मीत्त एक ट्विट केले होते. त्यामध्ये सद्गुरूंनी हातात चाफ्याचं फुल घेऊन फोटो पोस्ट केला. सद्गुरूंनी या फोटोला 'स्त्रीत्व हा काही लिंगभाव नाही ते एक परिमाण आहे' असे कॅप्शन दिले.
कॅप्शनमुळे नेटकऱ्यांनी सद्गुरूंना ट्रोल केले. त्यावर उत्तर देत कंगनाने एक ट्विट केले. या ट्विटमध्ये कंगनाने सद्गुरूंचा फोटो पोस्ट करून लिहीले की,' वेड्यांनो, ज्यांचा बुद्ध्यांक उंदरांसारखा आणि किड्यांएवढं अस्तित्व आहे ते सद्गुरूंना ट्रोल करत आहेत. त्या मूर्खांनी स्वत:चीच लाज वाटेल असे वागू नये'
तसेच कंगनाने आणखी एक फोटो ट्विट करून असे लिहीले की,'एखाद्या व्यक्तीला नव्हे तर संस्था, संपूर्ण संस्कृती, धर्म आणि या देशाला त्रास दिला जात आहे. कारण सद्गुरू हे भरताच्या प्राचीन ज्ञानाचे प्रतिनिधित्व करीत आहे. आता हे ट्रोल करणारे किडे वेडे होतील कारण 11 तारखेला सद्गुरू त्यांचा आवडता दिवस म्हणजेच शिवरात्री साजरी करणार आहेत.' या पोस्टमध्ये कंगनाने सद्गुरूंना ट्रोल करणाऱ्यांच्या कमेंटचे स्क्रिनशॉट शेअर केले आहेत.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.