Tripti Dimri: 'अ‍ॅनिमल'च्या यशानंतर चमकलं 'भाभी 2'चं नशीब! कार्तिक आर्यनसोबत या बिग बजेट सिनेमात झळकणार

Trupti Dimri News: 'अ‍ॅनिमल' सिनेमा रिलीज झाला आणि सिनेमातील रश्मिका मंदानापेक्षा जास्त चर्चा झाली ती भाभी 2 म्हणजेच अभिनेत्री तृप्ती डिमरीची.

सध्या तृप्ती तिच्या 'अ‍ॅनिमल' चित्रपटाच्या यशाचा आनंद घेत आहे. आता तृप्ती आणि तिच्या चाहत्यांसाठी एक खास बातमी समोर येत आहे. रिपोर्ट्सनुसार, तृप्ती लवकरच हँडसम हंक अभिनेता कार्तिक आर्यनसोबत बिग बजेट सिनेमात रोमान्स करताना दिसणार आहे. हा सिनेमा कोणता? जाणून घ्या.

तृप्ती - कार्तिकच्या सिनेमाची उत्सुकता

कार्तिक आर्यन लवकरच त्याच्या मोस्ट अवेटेड 'आशिकी 3' सिनेमाच्या शूटिंगला सुरुवात करणार आहे. आता या चित्रपटात तृप्ती डिमरी मुख्य भूमिकेत दिसणार असल्याची बातमी समोर येत आहे. (Trupti - Karthik's movie curiosity)

सुत्रांनी दिलेल्या माहितीनुसार, ही जोडी आता चित्रपटासाठी निश्चित झाली आहे. ही बातमी समजल्यानंतर केवळ कार्तिकच नाही तर तृप्तीचे चाहतेही आनंदात आहेत.

'आशिकी 3'साठी तृप्ती डिमरीच!

पिंकविलाच्या रिपोर्टनुसार, कार्तिक आर्यन आता तारा सुतारियासोबत नाही तर 'आशिकी 3' मध्ये तृप्ती डिमरीसोबत दिसणार आहे. आशिकी फ्रँचायझीचा हा तिसरा चित्रपट आहे. जिथे राहुल रॉय आणि अनु अग्रवाल 'आशिकी'मध्ये दिसले होते. तर 'आशिकी 2' मध्ये आदित्य रॉय कपूर आणि श्रद्धा कपूर यांनी आपल्या सिझलिंग केमिस्ट्रीने चाहत्यांना वेड लावले होते. आता अनुराग बासू 'आशिकी 3' चं दिग्दर्शन करणार आहे. (Thripti Dimri for Aashiqui 3!)

'आशिकी 3'चे शूटिंग कधी सुरू होणार?

तृप्ती डिमरीबद्दल सांगायचे तर, अभिनेत्री अलीकडेच संदीप रेड्डी वंगा यांच्या 'अ‍ॅनिमल' चित्रपटात रणबीर कपूरसोबत रोमान्स करताना दिसली होती. या चित्रपटातील दोघांच्या इंटिमेट सीनची बरीच चर्चा झाली होती. (When will the shooting of 'Aashiqui 3' start?)

या चित्रपटातून तृप्तीने सर्वांच्या मनावर राज्य केलं. अनुराग बासू दिग्दर्शित 'आशिकी 3' च्या शूटिंगला 2024 मध्ये सुरूवात होणार आहे.