Pathaan: 'ज्या थिएटरात शाहरुखचा 'पठाण' लागेल तिथे..', अयोध्येचे महंत राजू दास भडकले

Pathaan: शाहरूख खान आणि दीपिका पदुकोण यांचा 'पठाण' चित्रपट रिलीज होण्याआधीच वादाच्या भोवऱ्यात सापडला आहे. 'पठाण' चित्रपटा मधील 'बेशरम रंग' गाणे प्रदर्शित झाले अन् लगोलग त्यावरुन वादाला सुरुवात झाली आहे. दीपिकानं भगव्या रंगाची बिकीनी परिधान करुन हिंदू संस्कृतीचा अपमान केल्याचे काही हिंदू संघटनांनी म्हटले आहे. अयोध्याचे महंत राजू दास यांनी 'पठाण' या चित्रपटावर बहिष्कार करण्याचे आवाहन केले आहे.(Ayodhya Mahant raju das says boycott shahrukh khan and deepika padukone film pathaan)

अयोध्याचे महंत राजू दास म्हणतात की,"बॉलीवूड आणि हॉलीवूड हे नेहमी सनातन धर्माला बदनाम करण्याचाही प्रयत्न करतात, इतकेच नव्हे तर हिंदू देव देवतांचा देखील अपमान करतात आणि खिल्ली उडवतात, दीपिका पदुकोणने केसरी रंगाची बिकिनी घालून साधु संताच्या प्रतिमेला धक्का पोहोचवला आहे".

शाहरूख खान हा नेहमीच सनातन धर्माची मस्करी करतो, अजुन दुसऱ्या रंगाची बिकनी का नाही ? केसरी रंगाची का? हा सर्व अश्लील बाजार कशाला पाहिजे, या विरूद्ध कारवाई झाली पाहिजे..अन्यथा ज्या थिएटरात चित्रपट लागेल त्याची राख करू. या चित्रपटाचा मी बहिष्कार करतो आणि चित्रपट गृहात हा चित्रपट प्रदर्शित होऊ देणार नाही''.

शाहरूख खान आणि दीपिका पदुकोण यांचा 'पठाण' चित्रपट २५ जानेवारी रोजी रिलीज होणार आहे. दीपिकानं भगव्या रंगाची बिकिनी परिधान करुन हिंदू संस्कृतीचा अपमान केल्याचे काही हिंदू संघटनांनी म्हटले होते. त्यात या चित्रपटानं धार्मिक भावना भडकावल्याचा आरोपही सोशल मीडियावरुन केला जात आहे. नवीन वर्षात हा चित्रपट प्रदर्शित होणार आहे. मात्र प्रदर्शित होण्यापूर्वीच त्यावर बहिष्कार टाकण्याची मागणी केली जात आहे