पौर्णिमेचा चंद्र पाहणे पडले महागात; जीव गमावला

मुंबई - ग्रॅमीचे नामांकन असलेल्या स्कॉटिश ट्रांन्सजेंडर संगीतकार सोफी शेयॉनचे निधन झाले आहे. ती 34 वर्षांची होती. शनिवारी झालेल्या एका अपघातात तिचा मृत्यु झाल्याची माहिती सुत्रांनी दिली आहे. शेयॉनच्या टीमनं ही माहिती सोशल मीडियावर दिली आहे. तिच्या जाण्यानं हॉलीवूड संगीतामधील कलाकारांनी हळहळ व्यक्त केली आहे. अथक संघर्षातून सोफीनं आपल्या संगीतातून वेगळा ठसा उमटवला होता. पाठीशी कुणीही गॉडफादर नसताना तिनं मिळवलेली लोकप्रियता कौतूकाचा विषय होती.

सोफीच्या अपघाताविषयी माहिती देताना तिच्या टीमनं सांगितले की, वयाच्या अवघ्या 34 व्या वर्षी तिला एका अपघाताला सामोरं जावं लागलं. तिचं निधन ग्रीकची राजधानी एथेंस येथे पहाटे चार वाजता झाले. सोफीच्या टीमनं सोशल मीडियावर याबाबतची अधिक माहिती प्रसिध्द केली आहे. त्यांनी सांगितले, सोफीला पौर्णिमा पाहायची होती. त्यावेळी ती पाय घसरुन पडली. तिच्या ज्याठिकाणी गेली ती निसरडी जागा होती. हे तिच्या काही लक्षात आले नाही. घसरुन पडल्यानं तिला गंभीर दुखापत झाली. त्यात तिचा मृत्यु झाला.

सोफीनं 2015 मध्ये प्रख्यात गायिका मॅडोना सोबत गाणं गायलं होत. त्यावेळी त्यांनी एका अल्बमची निर्मितीही केली होती. तो मोठ्या प्रमाणात लोकप्रिय झाला होता. त्यानंतर तिनं  Charli XCX बरोबर EP Vroom Vroom ही तयार केले होते. सोफीच्या जाण्यानं अनेक प्रसिध्द संगीतकार, तिच्या चाहत्यांनी दु;ख व्यक्त केले आहे.   तिला श्रध्दांजली वाहताना ब्रिटीश गायक आणि गीतकार सॅम स्मिथ म्हणाला, सोफीच्या निधनाचे वृत्त ऐकताच तीव्र धक्का बसला. ह्रद्य पिळवटून टाकणारी ही बातमी आहे. आमच्या पिढीसाठी ती एक आयडॉल होती. हे सांगावे लागेल. प्रामाणिक, कष्टाळु असे तिचे वर्णन करता येईल. 

न्यूड फोटोशूटनंतर वनिता खरात म्हणाली; 'खडड्यात गेलं सगळं!'

फ्रान्सचा प्रसिध्द पॉप कलाकार क्रिस्टीन आणि क्वींस यांनीही सोफीला श्रध्दांजली वाहिली आहे. ते म्हणाले, एक स्टार कलाकार आज आपल्यातून निघून गेला आहे. याचे अतिशय वाईट वाटते. जिनं आपल्यातील अदाकारीनं सर्वांना जिंकून घेतले. प्रेक्षकांना निखळ आनंद दिला. तिची उणीव नेहमीच जाणवेल. डीजे आणि निर्माता इरोल अलकाननंही सोशल मीडियावर एक पोस्ट केली आहे. त्यात त्यानं सोफीच्या निधनाची बातमी वाचून धक्का बसल्याचे सांगितले.