चित्रपटांमध्ये कलाकाराची काम करण्याची इच्छा होती, पण शाहरुख खानमुळे... | Gurmeet Choudhary | Sakal
sakal

बोलून बातमी शोधा

Gurmeet Choudhary And Shah Rukh Khan

चित्रपटांमध्ये कलाकाराची काम करण्याची इच्छा होती, पण शाहरुख खानमुळे...

Gurmeet Choudhary Talks On Yash Chopra : अभिनेता गुरमीत चौधरीने सांगितले की, दिग्गज चित्रपट निर्माते यश चोप्रा यांच्या सांगण्यावरून चित्रपटापूर्वी टीव्हीवर काम केले होते. टीव्हीवर दीर्घकाळ काम केल्यानंतर गुरमीतने 'खामोशियां' आणि 'वजाह तुम ही हो' सारख्या चित्रपटांमध्ये मुख्य भूमिका साकारल्या.

एका मुलाखतीदरम्यान गुरमीतने सांगितले की, चित्रपट निर्माते यश चोप्रा यांच्या सांगण्यावरून त्याने चित्रपटापूर्वी टीव्हीवर काम करण्यास सुरुवात केली. शाहरुखचे उदाहरण देताना यश चोप्रा म्हणाले की, चित्रपटात येण्यापूर्वी शाहरुखने वागले की दुनिया आणि फौजी सारख्या टेलिव्हिजन शोमध्ये काम केले होते. टीव्हीवर काम केल्यानंतर लवकरच शाहरुखने १९९२ मध्ये 'दीवाना' चित्रपटाद्वारे बॉलिवूडमध्ये पदार्पण केले.

हेही वाचा: अभिनेता पंकजा त्रिपाठी पर्यावरण वाचवण्यासाठी आला पुढे, लावणार ५०० झाडे

शाहरुखचे दिले उदाहरण

गुरमीत चौधरीने (Gurmeet Choudhary) सांगितले की, मी ३-४ महिने अभिनयाचा कोर्स केला आहे. एके दिवशी मला कुठूनतरी यशजींचा फोन आला, म्हणून मी जास्त विचार न करता थेट लँडलाईनवरून त्यांना फोन केला. कारण त्या काळात मोबाईल खूप महाग होते.

मी यश चोप्रांनी (Yash Chopra) सांगितले की मी एक अभिनेता आहे आणि तुमचा खूप मोठा चाहता आहे. सर मला तुम्हाला एकदा भेटायचे आहे. हे ऐकून चोप्रा म्हणाले, की मुला यशराजच्या ऑफिसमध्ये ये.

हेही वाचा: Vikram Vedha Teaser : विक्रम वेधामध्ये व्हिलन बनला हृतिक, टिझर प्रदर्शित

मला त्यांचे शब्द अजूनही आठवतात, ते मला म्हणाले की बेटा, तुला चित्रपटात काम करायचे असेल तर आधी टीव्हीवर काम कर, तिथे तुझे नाव कर, एकदा नाव झाले की, कोणताही चित्रपट दिग्दर्शक आणि निर्माता तुला त्याच्या चित्रपटात भूमिके द्यायला आवडेल. शाहरुख खानला (Shah Rukh Khan) जरा बघ, या चित्रपटापूर्वी त्याने टीव्हीवर काम केले होते. यश चोप्रांचा तो सल्ला ध्यानात ठेवून मी ३-४ वर्षे टीव्हीवर खूप मेहनत केली.

गुरमीतने अनेक प्रसिद्ध टेलिव्हिजन शोमध्ये काम केले. कुमकुम एक प्यारा सा बंधन, गीत हुई सब से पराई, पुनर विवाह हे गुरमीतचे लोकप्रिय शो आहेत. याशिवाय तो झलक दिखला जा, नच बलिए आणि खतरों के खिलाडीमध्ये दिसला आहे.

Web Title: Gurmeet Choudhary Talks On Film Maker Yash Chopra

Read Latest Marathi News Headlines of Maharashtra, Live Marathi News of Mumbai, Pune, Politics, Finance, Entertainment, Sports, Jobs, Lifestyle at Sakal. To Get Updates on Mobile, Download the Sakal Mobile App for Android & iOS.
सकाळ आता सर्व सोशल मीडिया प्लॅटफॉर्मवर. ताज्या घडामोडींसाठी टेलिग्राम, फेसबुक, ट्विटर, शेअर चॅट आणि इन्स्टाग्रामवर आम्हाला फॉलो करा तसेच, आमच्या YouTube Channel आजच Subscribe करा..