मिया खलिफा शेतक-यांच्या पाठीशी; बॉलीवूड कलाकारांच्या तोंडात बोळा

मुंबई - एकीकडे बॉलीवूडमधील काहीजणांनी शेतकरी आंदोलनावर गप्प राहत असताना दुसरीकडे हॉलीवूड स्टार शेतक-यांच्या समर्थानार्थ सोशल मीडियावर पोस्ट शेयर करुन सर्वांचे लक्ष वेधूव घेत आहे. मिया खलिफाची वेगळी ओळख सांगण्याची काही गरज नाही. तिचे चित्रपट कोणते हे तिच्या चाहत्यांना माहिती आहे मात्र ज्यापध्दतीनं मिया खलिफानं शेतकरी आंदोलनाला पाठींबा दिला आहे त्यानंतर ती कमालीची लोकप्रिय झाली आहे. मिया आता व्टिटरवर ट्रेंडिंग होत आहे. यावरुन तिच्या नावाभोवती असलेलं ग्लॅमर लक्षात येईल.

प्रजासत्ताक दिनी दिल्लीतील लाल किल्ल्यावर शेतकरी बांधवांचा एल्गार सर्वांना माहिती आहे. गेल्या दोन महिन्यांपासून शेतकरी बांधव शेतीविषयक विधेयकाला विरोध करण्यासाठी दिल्लीत ठाण मांडुन आहेत. कडाक्याच्या थंडीतही त्यांनी आपला निर्णय बदलेला नाही. सरकारशी वेळोवेळी चर्चा करुनही त्यातून काही साध्य न झाल्यानं शेतक-यांनी आक्रमक पवित्रा घेतला आहे. त्याचे पडसाद बॉलीवूडमध्ये उमटले आहेत. अभिनेत्री कंगणानं पहिल्यापासून शेतकरी आंदोलनाविरोधात भूमिका घेतली आहे. तिच्यावर मोठ्या प्रमाणात टीका होताना दिसत आहे. अभिनेता आणि गायक दिलजीत दोसांज यानेही शेतकरी आंदोलनाला जाहीर पाठींबा दिला आहे. मात्र इतर दिग्गज अभिनेत्यांनी आंदोलनाविरोधात कुठल्याही प्रकारची भूमिका घेतलेली नाही.

मियानं जाहीरपणे शेतकरी आंदोलनाला पाठींबा दिला आहे. तिनं सोशल मीडियावर आपण शेतक-यांच्या पाठीशी आहोत असे म्हटले आहे. यापूर्वीही रिहाना आणि ग्रेटा थनबर्ग यांनीही शेतकरी आंदोलनाला पाठींबा दिल्यानं सगळ्यांचे लक्ष त्याकडे वेधले गेले आहे. आता पॉर्न स्टार मिया खलिफाच्या पाठींब्यानं तिच्या चाहत्यांनी तिचं कौतूक केलं आहे. गेल्या काही दिवसांपासून सेलिब्रेटी सोशल मीडियावर शेतक-यांच्या आंदोलनाविषयी पोस्ट करण्यास सुरुवात केली आहे. अमेरिकी गायिका रिहाना, सोशल अॅक्टिव्हिस्ट ग्रेटा थनबर्गनेही आंदोलनाला पाठींबा दिला आहे.

आता मियानं आपणही शेतकरी आंदोलनाला पाठींबा देत असल्याचे सांगितले आहे. मियानं म्हटले आहे की, सध्या पुरस्कारांची चलती आहे.त्यात त्यांनी यावेळी घेतलेली भूमिका लक्षात ठेवली जाईल. मी मात्र शेतक-यांच्या पाठीमागे उभी असल्याचे मियानं म्हटलं आहे.