स्टार प्रवाहवरील 'ही' लोकप्रिय मालिका घेणार प्रेक्षकांचा निरोप?

छोड्या पडद्यावरील मालिकांचा चाहतावर्ग मोठा असतो. या मालिकांमध्ये दररोज येणारे नवनवीन वळण, कलाकारांचा अभिनय यांमुळे दिवसागणिक त्याची उत्सुकता वाढत जाते. स्टार प्रवाह Star Pravah वाहिनीवरील काही मालिका आणि त्यातील कलाकार यांचा मोठा चाहतावर्ग निर्माण झाला आहे. आई कुठे काय करते, फुलाला सुगंध मातीचा, रंग माझा वेगळा, मुलगी झाली हो, सुख म्हणजे नक्की काय असतं?, सांग तू आहेस का या अशा काही मालिकांमुळे ही वाहिनी गेल्या काही महिन्यांपासून आघाडीवर आहे. सध्या सोशल मीडियावर यातीलच एका मालिकेची चर्चा होतेय. ही मालिका म्हणजे 'सांग तू आहेस का?' Sang Tu Aahes Ka ही मालिका प्रेक्षकांचा निरोप घेणार की काय, अशी चर्चा सोशल मीडियावर रंगतेय. (is this popular marathi serial of star pravah channel to end soon)

या मालिकेच्या निरोपाची चर्चा रंगण्यामागचं कारण म्हणजे नवीन मालिकेचा प्रोमो. स्टार प्रवाह वाहिनीवरील नव्या मालिकेचा प्रोमो आला असून त्या मालिकेची वेळ ही रात्री १० वाजता सांगितली जातेय. मात्र रात्री १० वाजता वाहिनीवर 'सांग तू आहेस का' ही मालिका प्रेक्षकांच्या भेटीला येते. 'जय भवानी जय शिवाजी' ही मालिका आता रात्री १० वाजता प्रसारित होणार आहे.

'जय भवानी जय शिवाजी' ही मालिका सुरू झाल्यानंतर 'सांग तू आहेस का?' ही मालिका प्रेक्षकांचा निरोप घेणार का, असा प्रश्न चाहत्यांना पडला आहे. या मालिकेत सध्या डॉ. वैभवीला मृत वैभवी आरशात असल्याचा भास होतो. मृत वैभवीची सुटका डॉ. वैभवी कशी करणार, हे आगामी भागात पाहायला मिळेल.

दुसरीकडे 'जय भवानी जय शिवाजी' या मालिकेतून अभिनेता भूषण प्रधान एका नव्या भूमिकेतून प्रेक्षकांच्या भेटीला येणार आहे. या मालिकेत अभिनेता अजिंक्य देव हा बाजीप्रभू देशपांडे यांची भूमिका साकारणार आहे. तर भूषण हा छत्रपती शिवाजी महाराजांची भूमिका साकारणार आहे.