Jhalak Dikhhla Jaa 11 Winner : ग्रँड फिनालेपूर्वीच विजेत्याचं नाव आलं समोर, कुणी मारली बाजी?

Jhalak Dikhhla Jaa 11 Winner : टीव्ही मनोरंजन विश्वात ज्या रियॅलिटी शो नं चाहत्यांना जिंकून घेतले आहे त्या झलक दिखला जा चा ग्रँड फिनाले आता जवळ आला आहे. मात्र त्यापूर्वीच काही सोशल मीडिया प्लॅटफॉर्मवरुन विजेत्याचे नाव समोर आल्यानं नेटकऱ्यांमध्ये चर्चेला उधाण आले आहे.

आता झलक दिखला जा या मालिकेचा अकरावा सीझन सुरु आहे. बऱ्याच दिवसांपासून या मालिकेच्या ग्रँड फिनालेची चर्चा सुरु होती. अखेर तो क्षण आता जवळ आला आहे. सुत्रांनी दिलेल्या माहितीनुसार २ फेब्रुवारी रोजी त्याचा ग्रँड फिनाले पार पडणार आहे. त्याची चाहत्यांना कमालीची उत्सुकता आहे. यावेळी ग्रँड फिनालेमध्ये सारा अली खान, विजय वर्मा, हुमा कुरेशी सहभागी होणार आहेत.

या सगळ्यात अशा चर्चेला उधाण आले आहे की, यावेळी विजेता म्हणून दुसरी कुणी नव्हे तर ज्यांनी वाईल़्ड कार्डद्वारे इंट्री केली आहे त्यानं बाजी मारल्याचे दिसून आले आहे. खरचं जर तसं झालं तर तो या मालिकेच्या ग्रँड फिनालेमधील इतिहास असणार आहे. मागील तीन महिन्यांपासून हा शो सुरु असून त्याची जोरदार चर्चा आहे.

सध्या टॉप तीन स्पर्धकांची नावं पाहायची झाल्यास त्यात अद्रिजा सिन्हा, शोएब इब्राहिम आणि मनिषा राणी यांच्या नावाचा समावेश आहे. आता अशी माहिती समोर येत आहे की, त्यात मनिषानं शेवटच्या राउंडमध्ये बाजी मारुन ती ट्रॉफी आपल्या नावावर केली आहे. मनीषा ही अकराव्या सीझनची विजेती असल्याचे सांगण्यात येत आहे. अर्थात हे सगळं सोशल मीडियावरील चर्चांमधून आलेलं नाव आहे. विजेत्याचं नाव ग्रँड फिनालेच्या दिवशी प्रेक्षकांसमोर येणार आहे.

अजून त्या नावावर अधिकृतरित्या कोणत्याही प्रकारे शिक्कामोर्तब झालेलं नाही. उद्या या रियॅलिटी शो चा ग्रँड फिनाले होणार आहे. मात्र त्यापूर्वीच विजेत्याचे नाव समोर आल्यानं चाहत्यांमध्ये वेगळ्याच चर्चेला सुरुवात झाली आहे. सोशल मीडियावर व्हायरल झालेल्या त्या नावांनुसार मनिषा राणीनं ती ट्रॉफी आपल्या नावावर केल्याचे दिसून आले आहे.