Karan Johar: किती अफवा रे! लग्नानंतर सिद्धार्थ मल्होत्रा-कियारासोबतच्या चित्रपटांवर शेवटी करण बोललाच

सोशल मीडियावर अजूनही कियारा आणि सिद्धार्थच्या लग्नाचे सेलिब्रेशन सुरू आहेत. कियारा आणि सिद्धार्थच्या लग्नाच्या फोटोंनी सर्वांचे मन आनंदित केले.
karan johar and sidharth kiara
karan johar and sidharth kiara Sakal

कियारा अडवाणी आणि सिद्धार्थ मल्होत्रा ​​यांच्या लग्नाला एक आठवडा उलटून गेला आहे, परंतु सोशल मीडियावर अजूनही सेलिब्रेशन सुरू आहेत. कियारा आणि सिद्धार्थच्या लग्नाच्या फोटोंनी सर्वांचे मन आनंदित केले.

दरम्यान, अशीही बातमी आली होती की, लग्नानंतर सिद्धार्थ आणि कियारा करण जोहरच्या तीन चित्रपटांमध्ये एकत्र दिसणार आहेत. हे संपूर्ण सत्य नाही. जाणून घ्या या मुद्द्यावर करण जोहरचे काय म्हणणे आहे.

सिद्धार्थ मल्होत्रा ​​आणि कियारा अडवाणीच्या लग्नानंतर करणने त्यांना तीन चित्रपटांसाठी साइन केल्याची बातमी आली होती. त्याच वेळी, एका वृत्तवाहिनीला दिलेल्या मुलाखतीत करणने स्पष्ट केले आहे की या सर्व गोष्टी मूर्खपणाच्या आहेत.

जेव्हा करण जोहरला विचारण्यात आले की या जोडप्याने पुढील तीन चित्रपटांसाठी करार केला आहे का? यावर प्रतिक्रिया देताना करण म्हणाला की अजिबात नाही.

karan johar and sidharth kiara
Subodh Bhave:'लहापणापासूनच ज्याच्या गोष्टी ऐकल्या..', शिवरायां नंतर सुबोध भावे साकारणार 'ही' ऐतिहासक भूमिका

सूत्रांनी दिलेल्या माहितीनुसार, कियारा अडवाणी आणि सिद्धार्थ मल्होत्रा ​​करण जोहरच्या खूप जवळ आहेत, त्यांना कोणत्याही प्रकारचा करार करण्याची गरज नाही. जेव्हा करण जोहर सिद्धार्थ आणि कियाराला चित्रपट ऑफर करेल तेव्हा ते त्याचा एक भाग बनतील.

सध्या या जोडप्याने कोणत्याही प्रकारच्या करारावर स्वाक्षरी केलेली नाही. करण जोहर आणि धर्मा प्रॉडक्शनच्या वक्तव्यावरून हे स्पष्ट झाले की सिद्धार्थ आणि कियारा यांना चित्रपटात एकत्र पाहण्यासाठी प्रतीक्षा करावी लागणार आहे.

सिद्धार्थ मल्होत्रा ​​आणि कियारा अडवाणी यांची लव्ह स्टोरी २०२१ मध्ये सुरू झाली. अनेकदा त्यांच्या अफेअर आणि ब्रेकअपच्या बातम्या आल्या. मात्र, हे जोडपे कधीच यावर उघडपणे बोलले नाही. दुसरीकडे, 7 फेब्रुवारी 2023 रोजी लग्न केले.

karan johar and sidharth kiara
'RRR मधील रामचरणचे पात्र अत्यंत आव्हानात्मक', अवतारच्या दिग्दर्शकानं केला कौतुकाचा वर्षाव... व्हिडिओ व्हायरल

जैसलमेरच्या सूर्यगडमध्ये इंटिमेट लग्न केल्यानंतर, सिद्धार्थ आणि कियारा यांनी 12 फेब्रुवारी रोजी मुंबईत बी-टाउन सेलिब्रिटींसाठी रिसेप्शन आयोजित केले होते. सिद्धार्थ-कियाराच्या रिसेप्शनला आलिया भट्ट, नीतू कपूर, अजय देवगण, काजोल, संजय लीला भन्साळी आणि भूमी पेडणेकर यांच्यासह अनेक प्रसिद्ध स्टार्सनी हजेरी लावली होती.

सिद्धार्थ आणि कियाराचे लग्न हे बॉलिवूडमधील सर्वात महागड्या लग्नांपैकी एक आहे, ज्याला त्यांनी अविस्मरणीय बनवण्यात कोणतीही कसर सोडली नाही.

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Related Stories

No stories found.
Esakal Marathi News
www.esakal.com