Kriti Sanon: 'लोकांकडून अपेक्षा...', प्रभाससोबतच्या एंगेजमेंटवर क्रिती अखेर बोललीच
गेल्या काही दिवसांपासून शहजादा अभिनेत्री क्रिती सेनन बाहुबली अभिनेता प्रभाससोबत एंगेजमेंट करणार असल्याची अफवा पसरत आहे. 'आदिपुरुष' या मोस्ट अवेटेड चित्रपटाच्या शूटिंगपासूनच या जोडप्याच्या अफेअरच्या बातम्या येत आहेत. आता त्यांच्या एंगेजमेंटच्या बातम्या बी-टाऊनमध्ये चर्चेत आहेत.
'आदिपुरुष' सह-अभिनेता प्रभाससोबत तिच्या एंगेजमेंटच्या अफवांच्या दरम्यान, क्रिती सेननने तिच्या इंस्टाग्राम स्टोरीवर एक क्रिप्टिक पोस्ट शेअर केली आहे. प्रभासच्या टीमने अफवांचे स्पष्टपणे खंडन केल्यानंतर काही तासांतच अभिनेत्रीची पोस्ट आली आहे.
तिच्या इन्स्टा पोस्टमध्ये, क्रितीने हॉलीवूडची आयकॉन ओप्रा विन्फ्रेची एक मोटिव्हेशनल रील शेअर केली आहे ज्यात "लेटिंग गो" या कलेबद्दल बोलत आहे. ओप्रा रीलमध्ये म्हणते, “लोकांना ते जसे आहेत तसे राहू द्या आणि तुम्ही ते स्वीकार करता किंवा नाही. असे न केल्याने, तुम्ही अशा परिस्थितीत अडकता ज्यामुळे तुमचा वेळ वाया जातो, त्यामुळे तुमची उर्जा देखील कमी होते, व्हिडिओ शेअर करताना क्रितीने लिहिले की, "Word" तिने तिच्या स्टोरीत एक सलामी इमोजी देखील जोडली आहे.
मिळालेल्या माहितीनुसार, प्रभासच्या टीमने प्रभास आणि क्रितीच्या एंगेजमेंटच्या अफवा फेटाळून लावल्या होत्या. अभिनेत्याच्या टीमने सांगितले होते की, दोघेही फक्त मित्र आहेत, टीमच्या निवेदनात म्हटले आहे की, 'प्रभास आणि क्रिती फक्त मित्र आहेत. त्यांच्या एंगेजमेंटची बातमी खरी नाही.
क्रिती सेनन आणि प्रभासच्या एंगेजमेंटच्या अफवा तेव्हा सुरू झाल्या जेव्हा चित्रपट समीक्षक उमेर संधू यांनी ट्विट केले, "ब्रेकिंग न्यूज - क्रिती आणि प्रभास पुढील आठवड्यात मालदीवमध्ये एंगेजमेंट करणार आहेत! त्यांच्यासाठी खूप आनंद झाला आहे." याआधी आदिपुरुषचा टीझर रिलीज झाल्यानंतर क्रिती आणि प्रभास यांच्यात डेटिंगच्या अफवा पसरल्या होत्या.
Kriti Sanon
प्रभास लवकरच ओम राऊतचा 'आदिपुरुष', प्रशांत नीलचा 'सालार', नाग अश्विनचा 'प्रोजेक्ट के', मारुतीचा 'राजा डिलक्स' आणि संदीप रेड्डी वंगाचा 'स्पिरिट' या चित्रपटात दिसणार आहे. दुसरीकडे, क्रितीकडे कार्तिक आर्यन स्टारर 'शहजादा', टायगर श्रॉफ स्टारर 'गणपथ', विशाल भारद्वाजचा 'चुरिया' आणि आनंद एल राय दिग्दर्शित चित्रपट आहेत.
हे ही वाचा
