मुलाचा 18 वा बर्थडे; माधुरीने शुभेच्छा देत म्हटलं,'लक्षात ठेव...'

मुंबई - बॉलिवूडची धकधक गर्ल माधूरी दिक्षीत सोशल मीडियावर अपडेट असते. आजही तिच्या चाहत्यांची संख्या कमी नाही. तिच्या आदाकारिने आणि नृत्याने ती नेहमीच प्रेक्षकांचे मन जिंकते. माधूरी सोशल मीडियावर खूप सक्रिय असून तिच्या आयुष्यातील खास क्षण नेटकऱ्यांसोबत शेअर करत असते. 

नुकताच माधुरीने सोशल मीडियावर एक खास फोटो शेअर केला आहे. माधुरीने तिचा मुलगा आरिनसोबतचे फोटो शेअर केले आहेत. या पोस्टमध्ये आरिन लहान असतानाचा एक  फोटो आणि आत्ताचा एक फोटो असे दोन फोटो माधुरीने शेअर केले आहेत. 

हे वाचा - जान्हवीचा हॉट बेली डान्स; पाहा Viral Video

माधुरीने असे कॅप्शन दिले की, 'माझं बाळ प्रौढ झालं, 18 व्या वाढदिवसाच्या हार्धिक शुभेच्छा आरिन, एक लक्षात ठेव की स्वातंत्र्यासोबतच जबाबदाऱ्यासुद्धा असतात. आजपासून जग तुझं आहे. आनंदी रहा, तुझ भविष्य उज्वल आणि सुरक्षित होवो.' तुला मिळणाऱ्या सर्व संधींचे सोने कर आणि आयुष्याचा पूर्ण आनंद घेऊन जग. आशा आहे की तुझं आयुष्य अविस्मरणीय असं असेल. लव्ह यू'

हे वाचा - न्यूड फोटोशूटनंतर आता वनिताचा नवा हॉट फोटो

माधुरीच्या अनेक चाहत्यांनी या फोटोला कमेंट करून आरिनला वाढदिवसाच्या शुभेच्छा दिल्या आहेत. काही दिवसांपूर्वी माधुरीने तिच्या आईचा वाढदिवस साजरा करतानाचा व्हिडीओ शेअर केला होता. या व्हिडीओमध्ये ती मराठीमध्ये बोलताना दिसली. माधुरी आणि श्रीराम नेने यांचे लग्न 17 ऑक्टोबर 1999 रोजी झाले. त्यानंतर त्यांना 17 मार्च 2003 रोजी आरिन नावाचा मुलगा झाला. अरिन 18 वर्षाचा झाल्याने आता त्याने जबाबदार व्यक्तीसारखे वागणे गरजेचे आहे असा संदेश माधुरीने आरिनच्या वाढदिवसानिमित्त दिला.