Cm Eknath Shinde: "गेल्या ६० वर्षात वर्षावर असं कधी घडलं नाही", मुख्यमंत्र्यांच्या घरी गेलेले मंगेश देसाई मनातलं बोलले

Cm Eknath Shinde: सीएम एकनाथ शिंदेंच्या घरी गणपती दर्शन घ्यायला गेले होते. मुख्यमंत्र्यांच्या घरी अनेक मराठी कलाकार एकत्र आले होते. सीएम एकनाथ शिंदेंनी सर्व मराठी कलाकारांचा चांगला पाहूणचार केला.

अशातच धर्मवीर सिनेमाचे निर्माते आणि अभिनेते मंगेश देसाईंनी वर्षावर गणपती दर्शनाचा अनुभव सोशल मिडीयावर शेअर केलाय.

(mangesh desai experience of visit cm eknath shinde ganpati darshan)

मंगेश देसाईंनी सोशल मिडीयावर एक व्हिडीओ शेअर केलाय. या व्हिडीओत मुख्यमंत्र्यांच्या घरी अनेक मराठी कलाकार गणपती बाप्पाचं दर्शन घेऊन बाप्पाची आरती करताना दिसत आहेत. हा व्हिडीओ शेअर करुन मंगेश देसाई लिहीतात, गेल्या 60 वर्षात जो सोहळा वर्षा बंगल्यात घडला नाही तो मागच्या वर्षा प्रमाणे याही वर्षात झाला .गणेश दर्शन सोहोळा .संपूर्ण चित्रपट ,मालिका ,नाट्य सृष्टी वर्षा बंगल्यावर मा .मुख्यमंत्री एकनाथजी शिंदे साहेबांच्या निमंत्रणाचा स्वीकारकरून गणेश दर्शन आणि स्नेहभोजनाला जमली होती .

मंगेश देसाई पुढे लिहीतात, "एखाद्या वास्तूत येतांना सकारात्मक उर्जेसह येणे आणि तशीच सकारात्मकता देऊन जाणे या पेक्षा मोठ्या शुभेछया कुठल्याच नाहीत .मा मुख्यमंत्री सगळ्यांना भेटून विचारपूस करत होते ,खासदार श्रीकांतजी प्रत्येकाला भेटून मनसोक्त गप्पा मारत होते .हे केवळ सामन्यांची जाणीव आणि कलावंतांवर प्रेम असेल तरच शक्य आहे .मलाही आरतीचा लाभ मिळाला .बाप्पा कडे एकच मागणं ,साहेबांची प्रकृती उत्तम ठेव ,आणि पुढच्या वर्षात पुन्हा साहेबांच आमंत्रण सगळ्यांना येऊ दे आणि तुझं दर्शन घडू दे."

निर्माता - अभिनेता मंगेश देसाईंनी घेतला पुढाकार

धर्मवीर सिनेमाचे निर्माते आणि अभिनेते मंगेश देसाई यांनी पुढाकार घेऊन सर्व मराठी कलाकारांना मुख्यमंत्र्यांच्या वर्षा बंगल्यावर एकत्र आणले.

यावेळी विशाखा सुभेदार, अमृता खानविलकर, स्पृहा जोशी, नम्रता संभेराव, जयवंत वाडकर, श्रृती मराठे, गौरव घाटणेकर, दीपाली सय्यद, ओंकार भोजने, सुकन्या मोने, रसिका वेंगुर्लेकर, सचिने गोस्वामी असे अनेक कलाकार यावेळी उपस्थित होते.