ाMrunal Thakur Birthday : कमी वेळात बॉलीवूडमध्ये अभिनयाची जादू दाखवणारी अभिनेत्री मृणाल ठाकूर. तिच्याबाबात चाहत्यांच्या तोंडून कायम कौतुक ऐकायला मिळतं. मृणाल सुंदर आहे, मृणाल एक उत्तम कलाकार आहे, असं तिचं कौतुक कायम कलाकार करत असतात. चाहत्यांना बॉलीवूडमधल्या कलाकारांच्या खऱ्या आयुष्यातील गोष्टी जाणून घ्यायचा कायम एक वेगळा उत्साह असतो. खुद्द मृणाल ठाकूरने एका मुलाखतीत तिच्या आयुष्यातील काही गोष्टी उघड केल्या आहेत.
"आयुष्यात कोणाकडूनही अपेक्षा ठेवू नका, अपेक्षाभंग झाल्यास दु:ख आपल्यालाच होतं असे तिचे म्हणणे आहे." मृणालच्या वाढदिवशी तिच्या रणवीर अल्लाहबादियाला दिलेल्या एका मुलाखतीच्या माध्यमातून तिच्या आयुष्यातील काही महत्वाच्या गोष्टी जाणून घेऊया.
आज मृणाल ठाकूरने वयाचे ३१ पूर्ण केले असून तिने वयाच्या ३२ व्या वर्षात पदार्पण केले आहे. ३१ वर्षांच्या काळात तिचे ब्रेक अप्स, तिचं करियर आणि बरंच काही घडलं. रणवीर अल्लाहबादियाला दिलेल्या मुलाखतीत मृणालने थोडक्यात पण तिच्या आयुष्यातल्या बऱ्याच गोष्टी उघड केल्यात.
मृणलला आयुष्यात काय हवंय असा प्रश्न जेव्हा तिला विचारण्यात आला तेव्हा मृणाल म्हणाली, "लोकांना आयुष्यात पैसा, प्रतिष्ठा आणि बरंच काही हवं असतं. पण माझा स्वभाव दुसऱ्यांच्या आनंदात आनंदी होणारा आहे. मला आयुष्यात बरंच काही करायचंय. पण मला आयुष्यात प्रेम हे जास्त महत्वाचं वाटतं."
मृणालला जेव्हा तिच्या अपेक्षांबाबत विचारण्यात आले तेव्हा ती म्हणाली, "मला आयुष्यात कोणाकडूनही अपेक्षा नाहीत. जेव्हा आपण अपेक्षा ठेवतो तेव्हा त्या पूर्ण न झाल्यास आपण दुखावले जातो. तेव्हा आयुष्यात पुढे जात रहा. मात्र कोणाकडून अपेक्षा ठेवू नका.
मृणालचे वडील बँकेत काम करणारे एक कर्मचारी आहेत. त्यांच्या नोकरीच्या निमित्ताने मृणालला लहानपणापासूनच संपूर्ण भारतात फिरण्याची संधी मिळाली. लहानपणापासून तिने एकूण अकरा घरं बदलली आहेत. मात्र त्याच वेळी तिने संपूर्ण महाराष्ट्रात मित्र देखील बनवलेत. (Manoranjan)
मृणालला मुलाखतीत तिच्या लव्ह लाइफबाबत विचारले असता ती म्हणली, मला आयुष्यात असा व्यक्ती हवाय ज्याला मी हक्काने बॉयफ्रेंड, नवरा आणि एक चांगला मित्र म्हणू शकेल. ज्याच्या सोबत मी आयुष्याचे अनेक आनंदी क्षण घालवू शकेल. आणि संपूर्ण जग फिरू शकेल.
मृणाल ही बॉलीवूडमधील चर्चित अभिनेत्री असून फक्त बॉलीवूडच नाही तर मराठी, तेलगू, तमिळ चित्रपटांतही काम करण्याची तिची इच्छा आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
