Mumtaz: 'जितेंद्रसोबत फ्लर्ट करणं होतं अवघड,' असं का म्हणाल्या मुमताज?
एक काळ असा होता जेव्हा अभिनेत्री मुमताज यांचे अनेक चाहते होते. मुमताज यांच्या अभिनयाचे आणि सौंदर्याचे प्रेक्षकांना वेड लागले होते. 70 च्या दशकात मुमताज यांचे नाव शम्मी कपूर आणि राजेश खन्ना यांसारख्या सुपरस्टार्ससोबत जोडले जात होते.
आता अभिनेत्रीने अनेक वर्षांनंतर खुलासा केला आहे की त्यांचे नाव अनेक अभिनेत्यांसोबत जोडले जात होते, परंतु सुपरस्टार जितेंद्र यांच्यासोबत कोणाचेही नाव घेणे अशक्य होते. याला कारण होती त्यांची गर्लफ्रेंड शोभा कपूर.
मुमताज म्हणाल्या, "जितेंद्रसोबत ट्युनिंग करणे खूप अवघड होते. कोणीही त्यांच्यासोबत फ्लर्ट करू शकत नव्हते कारण त्याची गर्लफ्रेंड शोभा त्याच्याबद्दल खूप पझेसिव्ह होती. शोभाने त्याच्याशी लग्न करायचे ठरवले होते. तर जितेंद्र माझ्या खूप जवळचे होते. त्यावेळी अनेक अभिनेत्रींना मी आवडत नव्हते".
या मुलाखतीत मुमताज यांनी राजेश खन्ना आणि अंजू महेंद्रू यांच्या नात्याबद्दलही सांगितले. मुमताज म्हणाल्या, "मला हे पाहून खूप आश्चर्य वाटले. अंजू राजेश खन्नाची खूप काळजी घेत असे. त्यांच्या खाण्यापिण्याकडे तिचं लक्ष असायचं".
"मयूर आणि मी अनेकदा त्या दोघांसोबत डिनरला जात असत. दोघेही असे विभक्त होतील असे स्वप्नातही वाटले नव्हते. तिच्यासारख्या बाईसोबतचे नाते एका दिवसात कसे संपवले? त्याने ते बरोबर केले नाही. जर तुमचे कोणाशी चांगले संबंध असतील तर तुम्ही त्यांच्याशी बसून बोलावे".
वृत्तांवर विश्वास ठेवला तर सुपरस्टार राजेश खन्ना आणि अभिनेत्री अंजू महेंद्रू 7 वर्षांपासून रिलेशनशिपमध्ये होते. त्यांचे नाते तुटल्यानंतर राजेश खन्ना यांनी स्वतःहून 15 वर्षांनी लहान असलेली अभिनेत्री डिंपल कपाडियाशी लग्न केले. या लग्नापासून त्यांना ट्विंकल आणि रिंकी अशा दोन मुली झाल्या.
मुमताज यांनी 1974 मध्ये मयूर माधवानीसोबत लग्न केले. यानंतर त्या फिल्मी दुनियेपासून पूर्णपणे दूर गेल्या. जितेंद्र यांनी शोभा कपूरशी लग्न केले आणि दोघांना दोन मुले झाली, ज्यांना आज एकता कपूर आणि तुषार कपूर म्हणून ओळखले जाते.
हे ही वाचा
