Oscars 2024: भारतातील सत्य घटनेवर आधारित ही डॉक्युमेंट्री ऑस्करच्या शर्यतीत, काय आहे विषय?

Oscars 2024 To Kill A Tiger News: काल ऑस्कर 2024 चं नामांकनाची यादी समोर आली. ओपेनहायमर आणि बार्बी यंदाच्या ऑस्कर 2024 च्या शर्यतीत आहेत.

यंदाच्या ऑस्करमध्ये भारतातील एका सत्य घटनेवर आधारित एक माहितीपट सर्वोत्कृष्ट डॉक्युमेंट्रीच्या शर्यतीत नॉमिनेटेड आहे. तो म्हणजे टू किल अ टायगर.

96 व्या ऑस्करमध्ये सर्वोत्कृष्ट माहितीपट श्रेणीत याला नामांकन मिळाले आहे. जाणून घ्या सविस्तर...

काय आहे या डॉक्युमेंट्रीचा विषय?

ही डॉक्युमेंट्री न्यायासाठी व्यवस्थेशी लढणाऱ्या रणजीतच्या आयुष्यावर आधारित आहे. रणजीतच्या मुलीवर तीन पुरुषांनी लैंगिक अत्याचार केले होते. टू किल अ टायगरमध्ये रणजीतने आपल्या मुलीला न्याय मिळवून देण्यासाठी केलेल्या खडतर संघर्षाचे चित्रण केले आहे.

या डॉक्युमेंट्रीची निर्मिती कॉर्नेलिया प्रिंसिपे आणि डेव्हिड ओपेनहाइम यांनी केली आहे. या माहितीपटाशिवाय Bobi Wine: The People's President, The Eternal Memory, Four Daughters and 20 Days in Mariupol यांनाही सर्वोत्कृष्ट माहितीपटात नामांकन मिळाले आहे.

टोरोंटो आंतरराष्ट्रीय चित्रपट महोत्सवात दखल

'टू किल अ टायगर'चे दिग्दर्शन मूळच्या दिल्लीत राहणाऱ्या निशा पाहुजा यांनी केलंय. सध्या त्या टोरंटोमध्ये वास्तव्यास आहेत. टू किल अ टायगर या चित्रपटाने यापूर्वी टोरंटो आंतरराष्ट्रीय चित्रपट महोत्सव 2022 मध्ये सर्वोत्कृष्ट कॅनेडियन फीचर चित्रपटासाठी अॅम्प्लीफाई व्हॉईस पुरस्कार जिंकला होता. (Featured at the Toronto International Film Festival)

ऑस्कर 2024 मध्ये या चित्रपटांची चर्चा

रॉबर्ट ओपेनहायमरची भूमिका करणाऱ्या सिलियन मर्फीला सर्वोत्कृष्ट अभिनेता कॅटेगरीत नामांकन मिळाले आहे. याशिवाय 'ओपेनहायमर' 'किलर्स ऑफ द फ्लॉवर मून', 'बार्बी', 'द होल्डोव्हर्स' ('Oppenheimer' 'Killers of the Flower Moon', 'Barbie', 'The Holdovers') इत्यादी चित्रपटांची यंदाच्या ऑस्कर पुरस्कारांमध्ये सर्वोत्कृष्ट चित्रपटांसाठी स्पर्धा आहे. 96 व्या ऑस्कर पुरस्कारांचे आयोजन 11 मार्च रोजी जिमी किमेल यांच्या हस्ते होणार आहे. (Discussion of these films at Oscars 2024)