Adipurush Advance Booking: किसिंग प्रकरणातनंतरही रिलिजपुर्वीच आदिपुरुषचा रेकॉर्ड! 'KGF चॅप्टर 2'ला टाकलं मागं..

Prabhas Adipurush Advance Booking Release Date: मनोरंजन विश्वात सध्या आदिपुरुष या चित्रपटाच्या रिलिजची जोरदार तयारी सुरु आहे. गेल्या काही दिवसांपासून चर्चेत असणाऱ्या या चित्रपटबाबात रोजच काही ना काही नवीन अपडेट येत आहे. प्रेक्षक या चित्रपटाची आतुरतेने वाट पाहत आहे. त्यातच गेल्या काही दिवसांपुर्वी क्रिती सेनन आणि ओम राउत याच्यामुळे काही वादही निर्माण झाला मात्र तरीही या चित्रपटाची क्रेझ प्रेक्षकांमध्ये कायम आहे.

साउथस्टार प्रभास आणि क्रिती सेनन यांचा 'आदिपुरुष' ही चित्रपट पुढच्या वीकेंडला म्हणजेच १६ जून रोजी थिएटरमध्ये प्रदर्शित होणार आहे. म्हणजे आता आदिपुरुषाच्या सुटकेला आठवडाभरही कमी उरलेला नाही.

मात्र केवळ भारतातच नव्हे तर परदेशातही या चित्रपटाची तितकीच क्रेझ पहायला मिळत आहे. भारतातील 'आदिपुरुष'च्या आगाऊ बुकिंगची माहिती सोशल मीडियावर शेअर करण्यात आली आहे.

चित्रपट निर्माते भूषण कुमार यांनी अधिकृत इंस्टाग्राम अकाऊंटवर पोस्ट शेअर केली असून आदिपुरुषच्या ॲडव्हान्स बुकिंगची माहिती दिली आहे. ही पोस्ट क्रिती सेनन आणि प्रभास यांच्यासोबत शेअर करण्यात आली आहे.

सोशल मीडियावर सध्या व्हायरल झालेल्या या पोस्टमध्ये पोस्टमध्ये लिहिले आहे की, या महाकाव्य चित्रपटाचा अनुभव घेणारी पहिली व्यक्ती बना. आदिपुरुषचे अ‍ॅडव्हान्स बुकिंग रविवारपासून सुरू होत आहे. तुम्ही 11 जून 2023 रोजी आदिपुरुष तिकिटे बुक करू शकता आणि तुमचा पुढील वीकेंड मजेशीर करु शकतात.

तर परदेशात या चित्रपटाचे अ‍ॅडव्हान्स बुकिंग सुरू झाले आहे. चित्रपट रिलीज होण्याच्या 7 दिवस आधीपासून अनेक देशांमध्ये बुकिंग सुरू झाले आहे. केवळ 8 ठिकाणी, आदिपुरुषने उत्कृष्ट अ‍ॅडव्हान्स बुकिंग करून 16 हजार डॉलर्स कमावले आहेत.

अशाप्रकारे आदिपुरुषांनी KGF 2 मागं टाकलं आहे. KGF फक्त 6 ठिकाणी रिलीज झाला, ज्याने बुकिंगमध्ये फक्त 2,900 हजार डॉलर्स कमावले.

ऑस्ट्रेलिया आणि न्यूझीलंडमध्ये या चित्रपटाची प्रचंड क्रेझ पाहायला मिळत आहे. या देशाबरोबरच इतरही देशात चित्रपट चांगली कमाई करेल असा विश्वास चाहत्यांना आहे.

ओम राऊत दिग्दर्शित आदिपुरुष हा पौराणिक चित्रपट असून यात प्रभास, क्रिती सेनॉन आणि सैफ अली खानसह अनेक कलाकार दिसणार आहेत. आदिपुरुष हा चित्रपट 16 जून 2023 रोजी थिएटरमध्ये दाखल होणार आहे, परंतु तो रिलीज होण्यापूर्वी अनेक महिन्यांपासून सतत चर्चेत आहे.