Pradhyuman Maloo News: 'इंडियन मॅचमेकिंग' या रिअॅलिटी शोचा विजेता प्रद्युमन मालूवर घरगुती हिंसाचाराचा आरोप लावण्यात आला आहे. 'इंडियन मॅचमेकिंग' या शोमध्ये प्रद्युमन सहभागी होता. या शोमध्ये त्यांनी एक-दोन नव्हे, तर तब्बल दीडशे मुलींना लग्नासाठी नाकारले.
या शोच्या पहिल्या सीझनमध्ये 2022 मध्ये प्रद्युमनने अभिनेत्री आणि मॉडेल आशिमा चौहानशी लग्न केले. आता वर्षभरानंतर पत्नीने त्याच्याविरुद्ध FIR दाखल करून त्याच्यावर घरगुती हिंसाचाराचा आरोप केला आहे.
बायकोने केले गंभीर आरोप
मीडिया रिपोर्ट्सनुसार, आशिमा चौहानने गेल्या वर्षी सप्टेंबर 2022 मध्येच घर सोडले होते. 'हिंदुस्तान टाईम्स'मध्ये प्रसिद्ध झालेल्या बातमीनुसार, अभिनेत्रीचे वकील अनमोल बरातारिया म्हणाले, "दाखल केलेल्या FIR मध्ये गंभीर आरोप आहेत. घरगुती हिंसाचार आणि सततचे मानसिक, शारीरिक शोषण अशा गुन्ह्यांचा यात संबंध आहे. या प्रकरणाची चौकशी करण्यात येत असून ती जलदगतीने करण्यात यावी अशी आमची मागणी आहे. याशिवाय आशिमा आरोपींवर कायदेशीर कारवाई करण्यास तयार आहे.
प्रद्युमन मालूला अटक होणार का?
आशिमाच्या वकीलाने पुढे सांगितले की, "आशिमा सध्या तिच्या कुटुंबासह बंगळुरूमध्ये राहत आहे. सध्या ती काहीही बोलण्याच्या स्थितीत नाही."
तर प्रद्युमन म्हणतो, 'त्याला याबद्दल काहीच माहिती नाही. माझ्या माहितीनुसार, आम्ही वकिलासोबत या प्रकरणावर तोडगा काढण्याबाबत बोलत आहोत आणि हे प्रकरण सामंजस्याने सोडवण्याचे प्रयत्न सुरू आहेत."
आता आशिमाने केलेल्या आरोपांमुळे प्रद्युमनला अटक होणार का? याकडे सर्वांचं लक्ष आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
