Prasad - Amruta: प्रसादने हातावर काढली अमृताच्या नावाची खास मेहंदी, फोटो बघाच

Prasad Jawade- Amruta Deshmukh Mehendi: प्रसाद जवादे - अमृता देशमुख हे मराठी मनोरंजन विश्वातील चर्चेतील जोडपं. प्रसाद - अमृता लवकरच लग्नबंधनात अडकणार आहेत. प्रसाद - अमृताची लगीनघाई सुरु आहे.

प्रसाद - अमृता यांच्या मेहंदीसोहळ्याचे फोटो सोशल मीडियावर व्हायरल झाले आहेत. या फोटोमध्ये प्रसादने स्वतःच्या हातावर अमृताचं खास नाव कोरलेलं दिसतंय.

प्रसादने हातावर लिहीलं अमृताचं हे खास नाव

प्रसाद जवादे - अमृता देशमुख हे मनोरंजन विश्वातील चर्चेतलं कपल. बिग बॉस मराठी 4 मुळे दोघांमध्ये छान मैत्री झाली. पुढे मैत्रीचं रुपांतर प्रेमात झालं आणि दोघांनी एकमेकांच्या नात्याची कबुली दिली.

प्रसाद - अमृताच्या मेहंदीचे फोटो सोशल मीडियावर चांगलेच व्हायरल झालेत. या फोटोत प्रसादने त्याच्या हातावर अमृतमय जाहलो अशी खास मेहंदी कोरलीय. या दोघांच्या या फोटोंवर त्यांच्या फॅन्सनी पसंती दर्शवलीय.

या तारखेला प्रसाद - अमृता करणार लग्न

काही महिन्यांपुर्वी प्रसाद - अमृताने साखरपुड्याचे फोटो शेयर करत चाहत्यांना गोड बातमी दिली. याशिवाय त्यांनी काल ग्रहमख विधीचे फोटो शेअर केले होते

हे दोघं उद्या 18 नोव्हेंबरला लग्नबंधनात अडकणार असल्याचं बोललं जातंय. प्रसाद - अमृता यांच्या लग्नाची त्यांच्या चाहत्यांना उत्सुकता आहे.