King Khan Shah Rukh Khan post: भारतानं आपला पारंपारिक प्रतिस्पर्धी पाकिस्तानचा पराभव केल्यानंतर देशभरात उत्साहाचे वातावरण दिसून आले. देशातील वेगवेगळ्या ठिकाणी तो जल्लोष।चा आनंद साजरा करण्यात आला. तरुणाईनं रस्त्यावर येत घोषणा देत भारताच्या विजयाचा जल्लोष केला. यासगळ्यात बॉलीवूडचे सेलिब्रेटींनी देखील सोशल मीडियावरुन भारतीय संघाचं कौतूक केलं आहे.
बॉलीवूडचा किंग खान शाहरुखनं देखील ट्विट करुन भारतीय संघाचं कौतूक केलं आहे. भारताच्या विजयाचा शिल्पकार ठरलेल्या कोहलीबद्दल त्यानं ट्विट केलं आहे. मात्र ते ट्विट करताच त्याला नेटकऱ्यांनी ट्रोल करण्यास सुरुवात केली आहे. किंग खाननं त्याच्या खास अंदाजात कोहलीला शुभेच्छा दिल्या. काल कोहलीच्या पत्नीनं अभिनेत्री अनुष्का शर्मानं देखील भली मोठी पोस्ट लिहून विराटची स्तुती केली होती.
शाहरुखनं लिहिलं होतं की, भारतीय संघाचा सामना हा मोठा रंगतदार होता. विराटच्या खेळानं आम्हाला खूप आनंदित केलं. तो विजयाचा शिल्पकार ठरला. त्यानं भारताला जो विजय मिळवून दिला तो अद्भुत होता. त्याचे कौतूक करावे तेवढे कमीच आहे. त्याची बॅटिंग प्रभावी होती. त्यानं आम्हाला दिवाळीचे मोठे गिफ्ट दिले आहे. त्याचे खूप खूप कौतूक आणि त्याला शुभेच्छा असं किंग खाननं त्या ट्विटमध्ये म्हटले आहे.
या ट्विटनंतर नेटकऱ्यांनी शाहरुखला धारेवर धरले आहे. क्रिकेटच्या एका किंगनं आता आपली चमकदार कामगिरी केली आहे. आता तुझी वेळ आहे. दुसऱ्यानं लिहिलं आहे की, शाहरुख आता आम्ही तुझ्या चित्रपटाची वाट पाहत आहोत. काहींनी शाहरुखच्या ट्विटवर आनंद व्यक्त केला आहे. सोशल मीडियावर मोठ्या प्रमाणात शाहरुखचे व्टिट व्हायरल झाले आहे. जानेवारीमध्ये शाहरुखचा पठाण प्रदर्शित होणार आहे. त्यानंतर त्याच्या जवान या चित्रपटाचे प्रेक्षकांना वेध लागले आहेत.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
