अजून तर लग्न व्हायचंय, त्यापूर्वीच शिबानीची पोस्ट

शिबानी दांडेकर (Shibani Dandekar) आणि फरहान अख्तर (Farhan Akhtar) पुढच्या वीकेंडला लग्न करण्याच्या तयारीत आहेत. दोघेही सोशल मिडीयावर चांगलेच उत्साही दिसत आहेत. शिबानीने नुकताच एक फोटो शेअर केला ज्यात ती शक्य तितकी विश्रांती घेत, तिच्या प्रवासातील एका पिटस्टॉपवर एअरपोर्ट लाउंजमध्ये बसली आहे.

फोटोमध्ये ती आरामात झोपताना दिसत आहे. फोटो शेअर करताना शिबानीने कॅप्शन दिले की, "थकलीये, पण उत्साही आहे!" शिबानीचा जवळचा मित्र गौरव कपूर (Gaurav Kapoor) याने देखील फोटोवर कमेंट केली की, ''मी ही पुढच्या विकेंडसाठी उत्सुक आहे.'' दोघेही 21 फेब्रुवारीला मुंबईत त्यांच्या लग्नाची नोंदणी करणार आहेत. जावेद अख्तर (Javed Akhtar) आणि शबाना आझमी (Shabana Azmi) यांच्या खंडाळा फार्महाऊसवर हे सेलिब्रेशन होणार आहे.

फरहान आणि शिबानी मार्च महिन्यात मुंबईत भव्य लग्न करण्याचा विचार करत आहेत. पण, कोरोनाचा वाढता धोका आणि बॉलीवूडमधील अनेक सेलिब्रिटींना कोरोनाचा (Coronavirus) फटका बसत असल्यानं त्यांनी आपलं वैवाहिक जीवन लवकर सुरु करण्याचा निर्णय घेतलाय. फरहान आणि शिबानीनं आता जवळचे नातेवाईक आणि कुटुंबीयांच्या उपस्थितीत लग्न करण्याचा निर्णय घेतल्याचं कळतंय.