Suhana Khan : सुहानाच्या बोल्ड फोटोशूटवर नकारात्मक कमेंट्स

Suhana Khan : किंग खान शाहरूखची मुलगी अभिनेत्री सुहाना खानने ‘आर्चिस’ या चित्रपटाद्वारे चित्रपटसृष्टीत पदार्पण केले. ती सोशल मीडियावर नेहमीच सक्रिय असते. अभिनयाबरोबरच वैयक्तिक आयुष्यामधल्या अनेक गोष्टी ती तिच्या चाहत्यांबरोबर शेअर करते.

तिचा पहिला चित्रपट ‘आर्चिस’च्या प्रदर्शनानंतर तिच्या अभिनयावरून तिला बऱ्याचदा ट्रोल करण्यात आले. आता सुहाना वेगळ्याच कारणामुळे चर्चेत आहे. काही दिवसांपूर्वी तिने एका ब्युटी ब्रॅंडसाठी बोल्ड फोटोशूट केले होते. त्यातीलच काही फोटोज आणि व्हिडीओज तिने तिच्या इन्स्टाग्राम हॅण्डलवर पोस्ट केले आहेत.

त्‍यामध्ये ती बाथटबमध्ये अंघोळ करताना दिसत आहे. दरम्यान, सध्या रमजानचा पवित्र महिना सुरू असताना सुहानाने बोल्ड फोटोशूट केले यावरून नेटकऱ्यांनी तिला ट्रोल केले आहे. काही जणांनी ‘‘रमजान सुरू आहे, जरा तरी लाज बाळग’’, ‘‘सुहाना रमजानमध्ये असे फोटोशूट योग्य नाही’’ अशा प्रकारच्या नकारात्मक कमेंट्स केल्या आहेत; तर काही जणांनी तिचे कौतुक करत ‘खूप सुंदर’, ‘अप्सरा’ असे म्हटले आहे.