Video: हातात हात, किस केलं मग पुढे.. स्वप्निल जोशी- शिल्पा तुळसकरचा इंटिमेट बेड सीन व्हायरल

tu tevha tashi : सध्या झी मराठी वाहिनीवरील ‘तू तेव्हा तशी’ या मालिकेची प्रचंड चर्चाा आहे. प्रेक्षक ज्या क्षणाची वाट पाहत होते, तो क्षण जवळ आलेला आहे. ज्यासाठी या मालिकेची सुरवात झाली तोच क्षण म्हणजे अर्थातच सौरभ आणि अनामिका यांच्या एकत्र येण्याचा क्षण मालिकेत आला आहे. अत्यंत वेगवेगळ्या संकटांना तोंड देत अखेर ते एकत्र आले आहे. विशेष म्हणजे केवळ एकत्र आले नाहीत तर त्यांच्या मिलनाचा प्रसंगही मालिकेत आला आहे. त्यामुळे त्यांचा इंटीमेट बेड सीन तुफान व्हायरल होत आहे.

(swapnil joshi and shilpa tulaskar intimate bed scene viral in tu tevha tashi zee marathi serial)

या मालिकेत अभिनेता स्वप्निल जोशी (swapnil joshi) व अभिनेत्री शिल्पा तुळसकर (shilpa tulaskar) प्रमुख भूमिकेत आहेत. स्वप्नील 'सौरभ'ची तर शिल्पा 'अनामिका'च्या भूमिकेत आहे. सध्या ही मालिका रंजक वळणावर आहे. सौरभ आणि अनामिका यांच्या नात्यातली दरी दूर होऊन ते एकत्र आले आहेत. नुकताच एक प्रोमो व्हायरल झाला आहे, ज्यामध्ये दोघांचा बेड सीन दाखवण्यात आला आहे.

अनामिकाच्या नवऱ्याची एंट्री झाल्यानंतर मालिकेच्या कथानकाने वेगळं वळण घेतलं. त्याने अनामिका आणि सौरभ यांना वेगळं करण्यासाठी शरथीचे प्रयत्न केले. पण पुन्हा एकदा सौरभ-अनामिका एकत्र आले आहेत. आता त्यांनी लिव्हइनमध्ये राहण्याचा निर्णय घेतला आहे. याच निमित्ताने मालिकेत रंजक वळण आलं आहे. सौरभ व अनामिका एकमेकांच्या अधिक जवळ आले आहेत. याच व्हिडीओची सध्या चर्चा आहे.

झी मराठीने शेअर केलेल्या व्हिडीओमध्ये सौरभ व अनामिका यांचा इंटिमेट सीन पाहायला मिळत आहे. बेडवरील दोघांचा हा सीन असून अनामिका सौरभला किस करत असताना दिसत आहे. तर दोघांचेही अनेक इंटीमेट सीन या मध्ये दाखले आहेत. त्यांची ही भन्नाट केमिस्ट्री प्रेक्षकांना चांगलीच भावली आहे. पण काही प्रेक्षकांनी मात्र याबाबत नाराजी व्यक्त केली आहे. 'संपूर्ण कुटुंब एकत्र बसून मालिका बघतात आणि तुम्ही हे दाखवता, अशा मालिका बंद झाल्या पाहिजेत' अशा अनेक कमेंट या व्हिडीओवर आल्या आहेत.