Swara Bhasker trolled: स्वराला फोटोशूट जमलं मात्र भगव्या रंगानं सगळं बिघडलं! नेटकऱ्यांच्या कमेंटनं रंगली चर्चा

Swara Bhasker trolled for flaunting baby bump: बॉलिवूड अभिनेत्री स्वरा भास्कर ही नेहमी तिच्या चित्रपटांमुळे कमी मात्र तिच्या वक्तव्यामुळे जास्त चर्चेत असते. स्वरा भास्कर ही तिच्या वक्तव्यामुळे ट्रोल देखील होते तर काही लोक तिला पाठिंबा देखील देतात.

सध्या स्वरा तिच्या वैयक्तिक आयुष्यामुळे चर्चेत आहे. स्वराने समाजवादी पक्षाचे नेते फहाद अहमद यांच्यासोबत लग्न केलं. लग्नाच्या 3 महिन्यांनंतरच स्वराने चाहत्यांना गोड बातमी देत तिच्या गरोदरपणाची घोषणा केली. यावेळी स्वरानं काही फोटो शेयर केली होती. त्याचे बरेच फोटो सोशल मीडियावर व्हायरल होत असतात.

त्यातच आता अलीकडेच स्वरा भास्करने अतिशय बोल्ड ग्लॅमरस मॅटर्निटी फोटोशूट केले. या फोटोत तिने तिचा बेबी बंप फ्लाँट केला आहे.

हे फोटोशूट स्वराने तिच्या इंस्टाग्रामवर शेअर केले होते. काही तासातच हे फोटो सोशल मीडियावर व्हायरल झाले. मात्र हे फोटोशूट सोशल मीडियावर शेयर करणं स्वराला चांगलचं महागात पडलं. पण स्वराचे तिच्या मॅटर्निटी शूटचे फोटो व्हायरल होताच नेटकऱ्यांनी तिला खूप ट्रोल करायला सुरुवात केली.

खरतर स्वरानं या फोटोमध्ये भगव्या रंगाचा ड्रेस परिधान केला आहे. इतकच नाही तर तिच्या बॅकग्राउंडला देखील भगव्या रंगाचेच पडदे वापरण्यात आले आहे. स्वराचे हे फोटो व्हायरल होताच नेटकऱ्यांनी तिला खुप ट्रोल केले आहे.

या ड्रेस आणि फोटोची बॅकग्राउंड पाहिल्यानंतर नेटकऱ्यांनी तिला खुप ट्रोल केलं आहे. तिच्या फोटोंवर कमेंट करतांना एका यूजरने लिहिले की, 'स्वरा बॅकग्राउंड भगव्या रंगाचा अंध भक्तांचा आणखी किती अपमान करणार?' तर दुसऱ्याने लिहिलयं की, 'ही प्रथा पूर्णपणे मूर्खपणाची आहे. हे थांबवलं गेलं पाहिजे.'

तर एका यूजरने तिला मुस्लिम धर्माची आठवण करून दिली आणि यानंतर तिने पाकिस्तानला जावं असा सल्लाही दिला. तर एकानं लिहिलयं की, 'ही सनातनी संस्कृती नाही..तुला लाज वाटली पाहिजे'. तर काहींनी तिच्या लूकचे खुप कौतुक केले आहे.

स्वरा भास्कर आणि फहाद अहमद यांनी फेब्रुवारीमध्ये कोर्ट मॅरेज केले होते. स्वरानं त्यांचा व्हिडिओ शेयर करत ही बातमी दिली होती. त्यानंतर स्वरा आणि तिचा पती फहान यांनी 6 जून 2023 रोजी त्यांच्या गरोदरपणाची घोषणा केली. स्वरा लग्नाआधीच प्रेग्नंट होती अशा अनेक चर्चा आहेत.